കൊച്ചി: പ്രൊഫ ടി. ജെ ജോസഫിന്റെ കൈ വെട്ടിയ കേസില് അറസ്റ്റിലായ ഒന്നാം പ്രതി സവാദിന്റെ തിരിച്ചറിയല് പരേഡ് വേഗത്തില് പൂര്ത്തിയാക്കാനൊരുങ്ങി എന്ഐഎ. തിരിച്ചറിയല് പരേഡ് പൂര്ത്തിയാക്കി സവാദിനെ വേഗത്തില് കസ്റ്റഡിയില് വാങ്ങുകയാണ് അന്വേഷണ സംഘത്തിന്റെ ലക്ഷ്യം. ഇതിനായി മജിസ്ട്രേറ്റ് കോടതിയില് എന്ഐഎ അന്വേഷണ സംഘം ഉടന് അപേക്ഷ നല്കും.
ജനുവരി 24 വരെ റിമാന്റിലാണ് സവാദ്. ഇയാളിപ്പോള് എറണാകുളം സബ് ജയിലില് തടവിലാണ്. പ്രതിയുടെ കൈയ്യില് നിന്ന് പിടിച്ചെടുത്ത രണ്ട് മൊബൈല് ഫോണുകളില് വിശദമായ ഫൊറന്സിക്ക് പരിശോധന നടത്തും. സവാദിനെ ചോദ്യം ചെയ്ത് കേസിന് പിന്നിലെ ഗൂഢാലോചന പുറത്തുകൊണ്ടുവരണമെന്നും പോപ്പുലര് ഫ്രണ്ട് നേതാക്കളുടെ സഹായത്തോടെയാണ് സവാദ് 13 വര്ഷം ഒളിവില് കഴിഞ്ഞതെന്നും എന്ഐഎ റിമാന്ഡ് റിപ്പോര്ട്ടില് വ്യക്തമാക്കിയിരുന്നു.
പ്രതികരിക്കാൻ ഇവിടെ എഴുതുക