കൊച്ചി: പ്രധാനമന്ത്രി നരേന്ദ്ര മോദി ഇന്ന് വൈകിട്ട് കൊച്ചിയിലെത്തും. രണ്ടു ദിവസത്തെ കേരള സന്ദര്ശനത്തിനായാണ് പ്രധാനമന്ത്രി എത്തുന്നത്. വൈകിട്ട് അഞ്ച് മണിയ്ക്ക് പ്രത്യേക വിമാനത്തില് കൊച്ചി രാജ്യാന്തര വിമാനത്താവളത്തിലെത്തുമെന്നാണ് നേരത്തെ അറിയിച്ചിരുന്നതെങ്കിലും ഏറ്റവും പുതിയ വിവരം അനുസരിച്ച് പ്രധാനമന്ത്രി ആറ് മണിയോടെയാകും എത്തുക.
തുടര്ന്ന് ഹെലികോപ്റ്ററില് കൊച്ചി നാവികസേനാ വിമാനത്താവളത്തിലെത്തും. ഏഴ് മണിയോടെ മഹാരാജാസ് കോളജ് ഗ്രൗണ്ട് മുതല് ഗവ. ഗസ്റ്റ് ഹൗസ് വരെ 1.3 കിലോമീറ്റര് റോഡ് ഷോ നടത്തും.
നാളെ രാവിലെ ആറ് മണിയോടെ ഹെലികോപ്റ്ററില് ഗുരുവായൂരിലേക്കു പോകും. 7.40 മുതല് 20 മിനിറ്റ് ക്ഷേത്രത്തില് ചെലവഴിക്കും. 8.45നു ക്ഷേത്രത്തിനു മുന്നിലെ കല്യാണമണ്ഡപത്തില് നടൻ സുരേഷ് ഗോപിയുടെ മകളുടെ വിവാഹച്ചടങ്ങില് പങ്കെടുക്കും. 9.50ന് ഹെലികോപ്റ്ററില് തൃപ്രയാറിലേക്കുതിരിക്കും. 10.30നു ശ്രീരാമസ്വാമി ക്ഷേത്രത്തില് ദര്ശനം നടത്തും.
പ്രതികരിക്കാൻ ഇവിടെ എഴുതുക