വഡോദര: ഗുജറാത്ത് വഡോദരയിലെ ബോട്ട് അപകടത്തില് 16 വിദ്യാര്ത്ഥികളും രണ്ട് അധ്യാപകരും മരിച്ചു. വഡോദരയ്ക്ക് സമീപമുള്ള ഹരനി തടാകത്തിലായിരുന്നു അപകടം. ബോട്ടിൽ ആകെ ഉണ്ടായിരുന്നത് 27 പേരാണ്. തടാകത്തിൽ രക്ഷാപ്രവർത്തനം പുരോഗമിക്കുകയാണ്.
പാനിഗേറ്റിലെ ന്യൂ സൺറൈസ് സ്കൂളിലെ 27 വിദ്യാർഥികളും 4 ടീച്ചർമാരുമടങ്ങിയ സംഘമാണ് വൈകിട്ട് 4.30ന് ഹർണി തടാകത്തിൽ ബോട്ടിൽ യാത്ര തുടങ്ങിയത്.
ബോട്ടിൽ അനുവദനീയമായത് 16 യാത്രക്കാർ മാത്രമായിരുന്നു. അപകടസമയത്ത് ബോട്ടിൽ ഉണ്ടായിരുന്നവരാരും ലൈഫ് ജാക്കറ്റ് ധരിച്ചിരുന്നില്ലെന്ന് ദൃക്സാക്ഷികൾ പറയുന്നു.
ഇതുവരെ 11 ഓളം കുട്ടികളെയാണ് രക്ഷപ്പെടുത്തിയത്. അഗ്നി രക്ഷാ സേനയ്ക്ക് പുറമേ രക്ഷാപ്രവർത്തനത്തിനായി എൻഡിആർഎഫ് സംഘത്തെയും വിന്യസിച്ചു. അപകടത്തിൽ അനുശോചനം രേഖപ്പെടുത്തിയ മുഖ്യമന്ത്രി ഭൂപേന്ദ്ര പട്ടേൽ അപകടത്തിൽപ്പെട്ടവർക്ക് അടിയന്തര സഹായവും ചികിത്സയും ലഭ്യമാക്കാൻ അധികൃതർക്ക് നിർദ്ദേശം നൽകി.
പ്രതികരിക്കാൻ ഇവിടെ എഴുതുക