എറണാകുളം മഹാരാജാസ് കോളജിൽ നടന്ന സംഘര്ഷത്തില് അഞ്ചംഗ അച്ചടക്ക സമിതി അന്വേഷണം തുടങ്ങി. തിങ്കളാഴ്ച മുതലുണ്ടായ സംഭവവികാസങ്ങൾ അന്വേഷിക്കും. വിദ്യാർത്ഥി സംഘര്ഷത്തിന്റെ പശ്ചാത്തലത്തില് കോളജ് പ്രിന്സിപ്പലിനെ കഴിഞ്ഞ ദിവസം സ്ഥലം മാറ്റിയിരുന്നു. പ്രിന്സിപ്പല് വി എസ് ജോയിയെ പട്ടാമ്പി ശ്രീനീലകണ്ഠ സര്ക്കാര് സംസ്കൃത കോളജിലേക്കാണ് ട്രാൻസ്ഫർ ചെയ്തത്. കോളജ് വിദ്യാഭ്യാസ ഡയറക്ടറുടെ ശുപാര്ശയുടെ അടിസ്ഥാനത്തിലാണ് നടപടി.
കഴിഞ്ഞ ബുധനാഴ്ച അര്ധരാത്രിയുണ്ടായ സംഘര്ഷത്തെ തുടര്ന്നാണ് കോളജും ഹോസ്റ്റലും അടച്ചത്. സംഘര്ഷത്തില് എസ്എഫ്ഐ യൂണിറ്റ് സെക്രട്ടറിയെ കുത്തിയ കേസില് കഴിഞ്ഞ ദിവസം ഒരു കെഎസ്യു പ്രവര്ത്തകനെ പോലീസ് അറസ്റ്റ് ചെയ്തിരുന്നു. കേസിൽ ആകെ ആകെ 19 പ്രതികളാണ് ഉള്ളത്. കോളജില് പ്രത്യേക പൊലീസ് കാവല് ഏര്പ്പെടുത്തിയിട്ടുണ്ട്.
പ്രതികരിക്കാൻ ഇവിടെ എഴുതുക