പ്രേക്ഷകര് ആകാംക്ഷയോടെ കാത്തിരിക്കുന്ന അല്ലു അർജുൻ ചിത്രം ‘പുഷ്പ 2’ റിലീസിന് ഇനി 200 ദിവസങ്ങള് കൂടി. സോഷ്യല് മീഡിയയിലൂടെയാണ് ചിത്രത്തിന്റെ അണിയറ പ്രവര്ത്തകര് ഈ വിവരം പങ്കുവച്ചത്.
2024 ഓഗസ്റ്റ് 15-നു സ്വാതന്ത്ര്യദിനത്തോട് അനുബന്ധിച്ചാണ് ചിത്രം തിയേറ്ററുകളിലെത്തുക.
2021ല് പുറത്തിറങ്ങി എല്ലാ രീതിയിലും ഒരു പാന്-ഇന്ത്യന് ചിത്രം എന്ന വിളിപ്പേരിന് അര്ഹമായ പുഷ്പയുടെ രണ്ടാം ഭാഗമായാണ് പുഷ്പ 2 എത്തുന്നത്.
മലയാളി നടന് ഫഹദ് ഫാസിലും പുഷ്പയിലൂടെ പാന്-ഇന്ത്യന് തലത്തില് ശ്രദ്ധിക്കപ്പെട്ടിരുന്നു. രണ്ടാം ഭാഗത്തില് എന്ത് സംഭവിക്കും എന്ന ആകാംക്ഷയുടെ മുള്മുനയില് പ്രേക്ഷകരെ കൊണ്ടെത്തിച്ചു കൊണ്ട് അവസാനിക്കുന്ന പുഷ്പയുടെ രണ്ടാം ഭാഗത്തിനായി പ്രേക്ഷകര് ഏറെ പ്രതീക്ഷയോടെ കാത്തിരിക്കുകയാണ്.
സുകുമാര് സംവിധാനം ചെയ്യുന്ന പുഷ്പ 2 നിര്മ്മിക്കുന്നത് മൈത്രി മൂവി മേക്കേഴ്സാണ്. അല്ലു അര്ജുന്, രശ്മിക മന്ദന, ഫഹദ് ഫാസില് തുടങ്ങിയവര് പ്രധാന വേഷത്തിലെത്തുന്ന ചിത്രത്തിന്റെ സംഗീത സംവിധാനം നിര്വഹിക്കുന്നത് ദേവി ശ്രീ പ്രസാദാണ്.
പ്രതികരിക്കാൻ ഇവിടെ എഴുതുക