അഗളി: അട്ടപ്പാടി വനത്തില് കുടുങ്ങിയ അഗളി പൊലീസ് സംഘം തിരിച്ചെത്തി. ഒരു രാത്രി മുഴുവന് വനത്തില് കുടുങ്ങിയ സംഘത്തെ പുലര്ച്ചയോടെയാണ് തിരിച്ചെത്തിച്ചത്. കഞ്ചാവുകൃഷി നശിപ്പിക്കാന് പോകുന്നതിനിടെ വഴിതെറ്റി വനത്തില് കുടുങ്ങുകയായിരുന്നു.
അഗളി ഡിവൈഎസ്പി എസ്. ജയകൃഷ്ണനുള്പ്പെടെ ഏഴ് പൊലീസുദ്യോഗസ്ഥരും വനംവകുപ്പിലെ അഞ്ച് ജീവനക്കാരുമാണ് സംഘത്തില് ഉണ്ടായിരുന്നത്.
12 മണിക്കൂർ വനത്തിൽ കുടുങ്ങി കിടന്ന പോലീസ് സംഘത്തെയാണ് തണ്ടർബോൾട്ടും റെസ്ക്യൂ സംഘവും രക്ഷപ്പെടുത്തിയത്.
ഭവാനിപ്പുഴയ്ക്കടുത്ത് മല്ലീശ്വരന്മുടിയോടനുബന്ധിച്ച് കിടക്കുന്ന വിദൂര ഊരായ മുരുഗളയ്ക്കും ഗൊട്ടിയാര്കണ്ടിക്കുമിടയിലുള്ള നിബിഡ വനത്തിലാണ് സംഘം കുടുങ്ങിയത്.
വനംവകുപ്പിലെ ഒരു ഉദ്യോഗസ്ഥന്റെ ഫോണിന് റേഞ്ചുണ്ടായിരുന്നതിനാല് കുടുങ്ങിയ വിവരം അധികൃതരെ അറിയിക്കുകയായിരുന്നു. ഇന്നലെ രാവിലെയാണ് അഗളി ഡിവൈഎസ്പി ജയകൃഷ്ണന്റെ നേതൃത്വത്തിലുള്ള 14 അംഗ സംഘം വനത്തിലേക്ക് പോയത്.
പ്രതികരിക്കാൻ ഇവിടെ എഴുതുക