മലയാളികളുടെ പ്രിയപ്പെട്ട ഒരു യുവ നടനാണ് ഷെയ്ൻ നിഗം. ഷെയ്ൻ നിഗം ഇനി തമിഴ് സിനിമയിലേക്കും ചുവടുവെക്കുന്നുവെന്ന ഒരു റിപ്പോര്ട്ട് അടുത്തിടെ വലിയ ചര്ച്ചയായിരുന്നു. വാലി മോഹൻ ദാസാണ് ചിത്രം സംവിധാനം ചെയ്യുന്നത്. മദ്രാസ്ക്കാരൻ എന്ന പേര് നൽകിയിരിക്കുന്ന തമിഴ് ചിത്രത്തില് ഷെയ്ൻ നിഗത്തിന്റെ നായികയായി എത്തുക തെലുങ്ക് നടി നിഹാരികയാണ്.
ഷെയ്ൻ നിഗം നായകനായി മുൻപ് പുറത്തിറങ്ങിയ ചിത്രം വേല ആണ്. ശ്യാം ശശിയാണ് വേലയുടെ സംവിധാനം നിര്വഹിച്ചത്. ഛായാഗ്രാഹണം സുരേഷ് രാജനായിരുന്നു ചെയ്തിരുന്നത്. സണ്ണി വെയ്നും ചിത്രത്തിൽ ഒരു പ്രധാന കഥാപാത്രമായി എത്തിയിരുന്നു.
മലയാളത്തില് ഷെയ്ൻ നിഗത്തിന്റേതായി പ്രദര്ശനത്തിനൊരുങ്ങുന്ന ലിറ്റില് ഹാര്ട്സും ആരാധകര് ആകാംക്ഷയോടെ കാത്തിരിക്കുന്ന ചിത്രമാണ്. എബി തരേസയും ആന്റോ ജോസുമാണ് സംവിധാനം നിര്വഹിക്കുന്നത്.
പ്രതികരിക്കാൻ ഇവിടെ എഴുതുക