തിരുവനന്തപുരം: കൊട്ടിയൂരില് മയക്കുവെടി വെച്ച് പിടികൂടിയ കടുവ ചത്ത സംഭവത്തില് അന്വേഷണം പ്രഖ്യാപിച്ച് വനംമന്ത്രി. കടുവയുടെ മരണത്തില് സമഗ്ര അന്വേഷണം നടത്താന് ചീഫ് വൈല്ഡ് ലൈഫ് വാര്ഡനെ ചുമതലപ്പെടുത്തിയതായി വനംമന്ത്രി എ കെ ശശീന്ദ്രന് വ്യക്തമാക്കി. മരണകാരണം കണ്ടെത്താൻ പോസ്റ്റുമോര്ട്ടം റിപ്പോര്ട്ട് ലഭിക്കണമെന്നും മന്ത്രി പറഞ്ഞു.
കണ്ണൂരിലെ കൊട്ടിയൂരിൽ മയക്കുവെടി വെച്ച് പിടികൂടിയ കടുവ ചത്തു. തൃശ്ശൂര് മൃഗശാലയിലേക്ക് കൊണ്ടുപോകും വഴി കോഴിക്കോട് വച്ചാണ് കടുവ ചത്തത്. കടുവയുടെ ആരോഗ്യസ്ഥിതി നിരീക്ഷിച്ച വനംവകുപ്പ് പരിശോധനയിൽ കടുവയുടെ ഉളിപ്പല്ല് നഷ്ടമായതായി അറിയിച്ചിരുന്നു. കടുവയെ തൃശ്ശൂർ മൃഗശാലയിൽ എത്തിക്കുമെന്നും ഉളിപ്പല്ല് നഷ്ടമായതിനാൽ കടുവയെ വനത്തിൽ വിടേണ്ടതിലെന്നും വനം വകുപ്പ് തീരുമാനിക്കുകയായിരുന്നു.
പ്രതികരിക്കാൻ ഇവിടെ എഴുതുക