ഇന്ത്യയിലെ ഏറ്റവും വലിയ ഇലക്ട്രിക് സ്കൂട്ടർ നിർമാതാക്കളായ ഒല ഇലക്ട്രിക് സ്കൂട്ടറിന്റെ വിലയില് വീണ്ടും കുറവ് വരുത്തി. എന്ട്രി ലെവല് സ്കൂട്ടര് എസ്1 എക്സിന്റെ എല്ലാ വേരിയന്റുകളിലും വില 5,000 മുതല് 10,000 രൂപ വരെ കുറച്ചു. എസ് വണ് പ്രോ, എസ് വണ് എയര്, എസ് വണ് എക്സ് പ്രസ് എന്നി മോഡലുകളുടെ വിലയില് 25000 രൂപ വരെ ഫെബ്രുവരിയില് കുറച്ചിരുന്നു. കമ്പനി നഷ്ടത്തിൽ പോകുന്നതിനിടെ വിൽപന കൂട്ടുക എന്ന ലക്ഷ്യം മുൻനിർത്തിയാണ് ഒല സ്കൂട്ടറിന്റെ വില കുറച്ചിരിക്കുന്നത്.
ഈ വര്ഷം ഫെബ്രുവരിയില് മൂന്ന് വേരിയന്റുകളിലായി 79,999 രൂപ മുതല് 1,09,999 രൂപ വരെയാണ് പുതിയ എസ് 1 എക്സ് അവരിപ്പിച്ചത്. പുതിയ വില ഉടന് പ്രാബല്യത്തില് വരുമെന്നും ഡെലിവറികള് അടുത്ത ആഴ്ച ആരംഭിക്കുമെന്നും ഒല ഇലക്ട്രിക് ചീഫ് മാര്ക്കറ്റിംഗ് ഓഫീസര് അന്ഷുല് ഖണ്ഡേല്വാള് പറഞ്ഞു.
പുതിയ വിലകള് പ്രകാരം, 4കെഡബ്ല്യൂഎച്ച് ബാറ്ററിയുള്ള എസ് 1 എക്സിന് നേരത്തെയുള്ള 1,09,999 രൂപയില് നിന്ന് നിലവിലെ മാറ്റത്തിനനുസരിച്ച് ഇപ്പോള് 99,999രൂപയാകും. അതുപോലെ, 3കെ ഡബ്ല്യൂഎച്ച് ബാറ്ററിയുള്ള എസ് 1 എക്സിന് നേരത്തെ 89,999 രൂപയ്ക്ക് പകരം 84,999 രൂപയാണ് പുതിയ വില.
എസ് 1 എക്സ് 2കെഡബ്ല്യുഎച്ച് ബാറ്ററി വേരിയന്റിന് 69,999 രൂപയാകും. നേരത്തെ 79,999 രൂപയായിരുന്നു. എതിരാളിയായ ഏഥര് എനര്ജി 1,09,999 ലക്ഷം മുതല് 1,44,999 രൂപ വരെ വിലയുള്ള ഫാമിലി ഇലക്ട്രിക് സ്കൂട്ടറായ ‘റിസ്റ്റ’ അവതരിപ്പിച്ച് ഒരാഴ്ച്ചയ്ക്കുള്ളിലാണ് ഒല ഇലക്ട്രിക്കിന്റെ പ്രഖ്യാപനം.
2024 സാമ്പത്തിക വർഷത്തിൽ 3,26,443 ഇ-സ്കൂട്ടറുകളാണ് ഒല വിറ്റത്. ഇ-സ്കൂട്ടർ വിപണിയിലെ മറ്റ് പ്രമുഖ കമ്പനികളുമായി താരതമ്യം ചെയ്യുമ്പോൾ ഒല സ്കൂട്ടറുകൾക്ക് വില കുറവാണ്. നേരത്തെ കേന്ദ്രസർക്കാർ ഇലക്ട്രിക് സ്കൂട്ടറുകൾക്ക് നൽകുന്ന സബ്സിഡി വെട്ടിക്കുറച്ചിരുന്നു. ഇതിന് പിന്നാലെയാണ് വില കുറക്കാൻ ഒല നിർബന്ധിതമായത്.
പ്രതികരിക്കാൻ ഇവിടെ എഴുതുക