വരാണസി: ഉത്തര്പ്രദേശിലെ വരാണസിയില് ജിമ്മില് വാം അപ് ചെയ്യുന്നതിനിടെ 30കാരൻ ഹദയാഘാതാം മൂലം മരിച്ചു. കോവിഡ് പ്രതിരോധ വാക്സിനായ കോവിഷീല്ഡിന്റെ പാര്ശ്വഫലങ്ങളെക്കുറിച്ചുള്ള വെളിപ്പെടുത്തലുകള്ക്കിടയില് ഈ വാർത്ത പുറത്തുവരുന്നത്. ഇതോടെ സംഭവം പരിഭ്രാന്തി സൃഷ്ടിച്ചിരിക്കുകയാണ്.
ചൊവ്വാഴ്ചയാണ് സംഭവം നടക്കുന്നത്. 30കാരനായ യുവാവ് കുഴഞ്ഞുവീഴുന്നതിന്റെ ദൃശ്യങ്ങള് സോഷ്യല്മീഡിയയില് വ്യാപകമായി പ്രചരിച്ചു. മരിച്ച യുവാവിന് മറ്റ് ആരോഗ്യപ്രശ്നങ്ങൾ ഒന്നും തന്നെ ഇല്ലായിരുന്നു എന്നും കഴിഞ്ഞ 10 വവര്ഷമായി ജിമ്മില് വ്യായാമം ചെയ്യാനെത്തുന്നുണ്ടെന്നും നടത്തിപ്പുകാര് പറഞ്ഞു.
ജിമ്മിലെ ബഞ്ചില് യുവാവ് രണ്ടു കൈകളിലുമായി തലവച്ച് ഇരിക്കുന്നത് വീഡിയോയില് കാണാം. ഇയാള് തലവേദനയുണ്ടെന്ന് പറയുന്നുമുണ്ട്. കുറച്ചു സമയം കഴിഞ്ഞപ്പോള് യുവാവ് കുഴഞ്ഞുവീഴുകയായിരുന്നു. വ്യായാമം ചെയ്തുകൊണ്ടിരുന്ന മറ്റ് ആളുകൾ ഓടി യുവാവിന്റെ അടുത്തേക്ക് എത്തുകയും ഉടൻ തന്നെ അടുത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ലെന്ന് ആശുപത്രി അധികൃതർ അറിയിച്ചു.
രാജ്യത്ത് യുവാക്കള് ഹൃദയാഘാതം കാരണം മരിക്കുന്ന സംഭവങ്ങള് കൂടിവരികയാണ്. കോവിഡിന് ശേഷമാണ് ഇത് വർധിച്ചത്. കഴിഞ്ഞ ദിവസം സഹോദരിയുടെ വിവാഹച്ചടങ്ങില് നൃത്തം ചെയ്തുകൊണ്ടിരിക്കുന്നതിനിടെ പെണ്കുട്ടി കുഴഞ്ഞുവീണു മരണപ്പെട്ടിരുന്നു. ഉത്തര്പ്രദേശിലെ മീററ്റിലാണ് ദാരുണ സംഭവം. ഹല്ദി ചടങ്ങില് ഡാന്സ് ചെയ്യുന്നതിനിടെ ഹൃദയാഘാതം മൂലം മരിക്കുകയായിരുന്നു.
പ്രതികരിക്കാൻ ഇവിടെ എഴുതുക