ന്യൂഡല്ഹി: ഡൽഹി മുഖ്യമന്ത്രി അരവിന്ദ് കെജ്രിവാളിന്റെ ഇടക്കാല ജാമ്യത്തിന്റെ കാര്യത്തിൽ ഇന്ന് തീരുമാനമായില്ല. ജാമ്യം നല്കണോ എന്ന കാര്യത്തിൽ സുപ്രീംകോടതി വ്യാഴാഴ്ച വാദം കേള്ക്കും. കെജ്രിവാളിന്റെ ഇടക്കാല ജാമ്യാപേക്ഷ വിധി പറയാന് മാറ്റിവെക്കുകയായിരുന്നു.
കെജ്രിവാളിന്റെ അറസ്റ്റില് വ്യക്തത വേണമെന്ന് ഹര്ജി പരിഗണിക്കവെ ഇഡിയോട് കോടതി ആവശ്യപ്പെട്ടിരുന്നു. അന്വേഷണം എന്തുകൊണ്ട് രണ്ടുവര്ഷം നീണ്ടുപോയെന്ന് ഇഡിയോട് കോടതി ആരാഞ്ഞു. കെജ്രിവാളിന്റെ അറസ്റ്റിന് രണ്ട് വര്ഷം എടുത്തത് നല്ലതല്ലെന്ന് ചൂണ്ടിക്കാട്ടിയ കോടതി, ഇഡിയുടെ അന്വേഷണത്തിന്റെ സ്വഭാവവും യുക്തിയും പരിശോധിക്കണമെന്നും പറഞ്ഞു. അരവിന്ദ് കെജ്രിവാളിന്റെയും മനിഷ് സിസോദിയയുടെയും അറസ്റ്റില് വ്യക്തത വരുത്തണമെന്നും സുപ്രിംകോടതി അറിയിച്ചു. ആരംഭം മുതലുള്ള കേസ് ഫയല് ഹാജരാക്കാനും ഇഡിക്ക് നിര്ദേശമുണ്ട്.
കെജ്രിവാളിനെ കുറ്റവിമുക്തനാക്കണോയെന്നല്ല പരിശോധിക്കുന്നതെന്ന് സുപ്രീംകോടതി വ്യക്തമാക്കി. അറസ്റ്റ് സംബന്ധിച്ചാണ് പരിശോധന നടത്തുന്നത്, കുറ്റവിമുക്തനാക്കാനല്ല. വിളവെടുപ്പ് പോലെ 6 മാസത്തിലൊരിക്കലല്ല പൊതു തിരഞ്ഞെടുപ്പ് നടത്തുന്നത്, 5 വര്ഷത്തിലൊരിക്കലാണ്. കുറ്റകൃത്യത്തില് ഉള്പ്പെട്ട രാഷ്ട്രീയ നേതാക്കള് പ്രത്യേക പരിഗണന അർഹിക്കുന്നില്ല. അരവിന്ദ് കെജ്രിവാള് ഡല്ഹി മുഖ്യമന്ത്രി കേസ് അസാധാരണമെന്നും കോടതി പറഞ്ഞു.
പ്രതികരിക്കാൻ ഇവിടെ എഴുതുക