എംജി മോട്ടോർ ഇന്ത്യ നിലവിൽ ടാറ്റ ടിയാഗോ ഇവി ആധിപത്യം പുലർത്തുന്ന രാജ്യത്തെ ചെറു ഇലക്ട്രിക്ക് കാർ വിഭാഗത്തിലേക്ക് കടക്കാൻ പദ്ധതിയിടുന്നു. എംജി ബിംഗോ ഇലക്ട്രിക് ഹാച്ച്ബാക്കിന്റെ പേറ്റൻ്റ് ചിത്രം അടുത്തിടെ പുറത്തുവന്നിരുന്നു. ഇപ്പോഴിതാ ബിംഗോ എന്ന ഈ പുതിയ എൻട്രി ലെവൽ ഇലക്ട്രിക് കാറിന് എംജി മോട്ടോർ ഇന്ത്യയിൽ പേറ്റൻ്റ് ഫയൽ ചെയ്തു എന്നാണ് പുതിയ റിപ്പോര്ട്ടുകൾ. 2025-ൽ ഈ മോഡൽ ഇന്ത്യൻ വിപണിയിൽ എത്താൻ സാധ്യതയുണ്ട്. ബിങ്കോ ഇവി നിലവിൽ ഇന്തോനേഷ്യയിലും ചൈനയിലും വുളിംഗ് ബ്രാൻഡിന് കീഴിൽ വിൽപ്പനയ്ക്കുണ്ട്. വരാനിരിക്കുന്ന എംജി ബിങ്കോ ഇവിയുടെ പ്രധാന സവിശേഷതകൾ അറിയാം.
പുതിയ എംജി ഇലക്ട്രിക് ഹാച്ച്ബാക്ക് അതിന്റെ പ്ലാറ്റ്ഫോം കോമറ്റ്, വരാനിരിക്കുന്ന എംജി ക്ലൗഡ് ഇവി എന്നിവയുമായി പങ്കിടും. ബോൺ ഇലക്ട്രിക് പ്ലാറ്റ്ഫോമിനെ അടിസ്ഥാനമാക്കിയുള്ളതാണ് ഈ രണ്ട് മോഡലുകളും ജിഎസ്ഇവി (ഗ്ലോബൽ സ്മോൾ ഇലക്ട്രിക് വെഹിക്കിൾ). പ്രധാന എതിരാളിയായ ടാറ്റ ടിയാഗോ ഇവിയുമായി താരതമ്യപ്പെടുത്തുമ്പോൾ, ബിംഗോ അൽപ്പം നീളവും വീതിയുമുള്ളതായിരിക്കും. ഇതിന്റെ മൊത്തത്തിലുള്ള നീളവും വീതിയും ഉയരവും യഥാക്രമം 3950mm, 1708mm, 1580mm എന്നിങ്ങനെയാണ്. ഇതിന് 2560 എംഎം നീളമുള്ള വീൽബേസും 790 ലിറ്റർ ബൂട്ട് സ്പേസും ഉറപ്പ് തരുന്നു.
റിയർ പാർക്കിംഗ് സെൻസറും ക്യാമറയും, തുകൽ കവർ ചെയ്ത മൾട്ടിഫങ്ഷൻ സ്റ്റിയറിംഗ് വീൽ, ഡിജിറ്റൽ എസി, ക്രൂയിസ് കൺട്രോൾ, സോഫ്റ്റ് സിന്തറ്റിക് ലെതർ ഇൻ്റീരിയർ ട്രിമ്മുകളും സെറാമിക് ഗ്ലേസ് ടെക്സ്ചറും, 2X10-25” ഫുൾ കളർ TFT ഉള്ള ഫ്ലോട്ടിംഗ് ഐലൻഡ് സെൻട്രൽ കൺട്രോൾ എന്നിവയാണ് ഇതിന്റെ ചില പ്രധാന സവിശേഷതകൾ. സിന്തറ്റിക് ലെതർ സീറ്റ്, ഓട്ടോ വെഹിക്കിൾ ഹോൾഡുള്ള ഇലക്ട്രിക് പാർക്കിംഗ് ബ്രേക്ക്, റോട്ടറി ഗിയർ സെലക്ടർ, 6 വഴി ക്രമീകരിക്കാവുന്ന ഡ്രൈവർ സീറ്റ് മുതലായ ഫീച്ചറുകളും ഉണ്ട്.
പ്രതികരിക്കാൻ ഇവിടെ എഴുതുക