സഹപ്രവർത്തകരുടെ നിലവിളി കേട്ടാണ് ഞാൻ ഉണർന്നത്, എന്റെ ഹൃദയമിടിപ്പ് കൂടി. എന്താണ് സംഭവിക്കുന്നത്?. ഞാൻ എന്നോടു തന്നെ പറഞ്ഞു, നിനക്ക് വെറും 10 മിനിറ്റ് മാത്രമാണുളളത്; എന്തൊക്കെയാണ് എനിക്ക് വേണ്ടത്? ഞാനെന്റെ ലാപ്ടോപ് എടുത്തു, എന്റെ കുടുംബത്തിന്റെ ചിത്രം ഉൾക്കൊള്ളുന്ന ഒരു അലങ്കാര പ്ലേറ്റ്, എന്റെ മകൾ എനിക്ക് നൽകിയ കോഫി മഗ്, പിന്നെ, എപിയിൽ 5 വർഷം ജോലി ചെയ്തതിന്റെ സർട്ടിഫിക്കറ്റ്; ഞാൻ ചുറ്റും ഒന്നുകൂടി നോക്കി, അവിടെയുണ്ടായിരുന്ന അവസാനത്തെ വ്യക്തിയായിരുന്ന ഞാൻ, തലയിൽ ഹെൽമറ്റ് വച്ചശേഷം ഞാൻ അവിടെനിന്നും ഓടി; ഇസ്രായേൽ വ്യോമാക്രമണത്തിന്റെ ഭീകരത വിവരിച്ച് എപി മാധ്യമ പ്രവർത്തകൻ
ഞായറാഴ്ചയായിരുന്നു അന്ന്, സമയം ഉച്ചയ്ക്ക് 1.55. 2006 മുതൽ ഗാസ സിറ്റിയിലെ അസോസിയേറ്റഡ് പ്രസ് ഓഫീസുകളായി പ്രവർത്തിച്ചിരുന്ന രണ്ട് നിലകളുള്ള പെൻ‌ഹൗസിന്റെ മുകളിലത്തെ നിലയിലായിരുന്നു ഞാൻ. രാത്രിയിലെ ...
