കണ്ണൂര്: മട്ടന്നൂരിൽ കോണ്ഗ്രസ് പ്രവര്ത്തകനെ വെട്ടിക്കൊലപ്പെടുത്തി. ബോംബെറിഞ്ഞു ഭീതി പരത്തിയ ശേഷം ആയിരുന്നു കൊല. യൂത്ത് കോണ്ഗ്രസ് കീഴല്ലൂര് മണ്ഡലം പ്രസിഡന്റായിരുന്ന എടയന്നൂര് സ്കൂള് പറമ്ബത്ത് ഹൗസില് ഷുഹൈബ്(30) ആണ് മരിച്ചത്. ബോംബേറില് പരിക്കേറ്റ പള്ളിപ്പറമ്ബത്ത് ഹൗസില് നൗഷാദ്(27), റിയാസ് മന്സിലില് റിയാസ്(27) എന്നിവരെ കണ്ണൂര് കൊയിലി ആശുപത്രിയില് പ്രവേശിപ്പിച്ചു.
തട്ടുകടയില് ചായ കുടിക്കുകയായിരുന്ന ഇവര്ക്കു നേരെ വാനിലെത്തിയ സംഘം ബോംബെറിഞ്ഞു ഭീതി പരത്തിയ ശേഷം വെട്ടി പരുക്കേല്പിക്കുകയായിരുന്നു. രാത്രി 11.30നാണു സംഭവം. ഇരു കാലുകള്ക്കും സാരമായി വെട്ടേറ്റ ഷുഹൈബിനെ കോഴിക്കോട്ടേക്കു കൊണ്ടുപോകും വഴി തലശ്ശേരി ഇന്ദിരാഗാന്ധി സഹകരണ ആശുപത്രിയില് ഇന്നു പുലര്ച്ചെ ഒന്നിനാണ് മരിച്ചത്.
സംഭവത്തില് പ്രതിഷേധിച്ച് ഇന്നു രാവിലെ ആറു മുതല് വൈകിട്ട് ആറു വരെ ജില്ലയില് ഹര്ത്താല് ആചരിക്കാന് ജില്ലാ കോണ്ഗ്രസ് കമ്മിറ്റി ആഹ്വാനം ചെയ്തു. ഡിസിസി പ്രസിഡന്റ് സതീശന് പാച്ചേനി, യൂത്ത് കോണ്ഗ്രസ് നേതാവ് ജോഷി കണ്ടത്തില് എന്നിവര് സംഭവസ്ഥലത്ത് എത്തിയിരുന്നു. മട്ടന്നൂര് പൊലീസ് സ്ഥലത്തെത്തി അന്വേഷണം നടത്തി. അക്രമികളെ കണ്ടെത്താനായിട്ടില്ല.
പ്രതികരിക്കാൻ ഇവിടെ എഴുതുക