സംസ്ഥാനത്ത് ബസ് സമരം നടത്തുന്ന ബസുടമകളുമായി സര്ക്കാര് ഇന്ന് ചര്ച്ച നടത്തും . ബസുടമകള് ഗതാഗതമന്ത്രി എ.കെ.ശശീന്ദ്രനുമായി നടത്തുന്ന ചര്ച്ചയ്ക്ക് ശേഷം സമരം പിന്വലിക്കുമെന്നാണ് സൂചന.
സ്വകാര്യ ബസ് സമരം രണ്ടാം ദിവസത്തിലേക്ക് കടന്നതോടെ ജനയാത്രയും ദുഷ്ക്കരമായിരുന്നു. നേരത്തെ, അനിശ്ചിതകാലസമരം ആരംഭിക്കുന്നതിന് മുന്പ് മിനിമം ബസ് ചാര്ജ് എട്ട് രൂപയാക്കിയിരുന്നു. മാര്ച്ച് മുതല് ഇത് പ്രാബല്യത്തിൽ വരുമെന്നായിരുന്നു സര്ക്കാര് അറിയിച്ചിരുന്നത്. എന്നാല് ഇത് പര്യാപ്തമല്ലെന്ന് ചൂണ്ടിക്കാട്ടിയാണ് ഉടമകള് സമരത്തിലേക്ക് നീങ്ങിയത്.
അതേസമയം, ചാര്ജ് വര്ധന ആവശ്യപ്പെട്ടല്ല സമരമെന്ന് കഴിഞ്ഞ ദിവസം ബസുടമകള് വ്യക്തമാക്കിയിരുന്നു. ജസ്റ്റീസ് രാമചന്ദ്രന് കമ്മീഷന് റിപ്പോര്ട്ട് പൂര്ണമായും നടപ്പാക്കണമെന്ന് ആവശ്യപ്പെട്ടാണ് സമരമെന്നാണ് ബസ് ഓപ്പറേറ്റേഴ്സ് ഫെഡറേഷന് ഭാരവാഹികള് അറിയിച്ചത്.
പ്രതികരിക്കാൻ ഇവിടെ എഴുതുക