ഡ്രൈവിങ് ലൈസന്സ് വിദേശികള്ക്ക് അനുവദിക്കുന്നതിന് കർശന നിബന്ധനകളുമായി കുവൈത്ത് ഗതാഗതമന്ത്രാലയം. വിദേശികള്ക്ക് ലൈസന്സ് അനുവദിക്കുന്നതിന് പ്രധാനമായും മൂന്നു നിബന്ധനകളാണുള്ളത്. സര്വകലാശാലാ ബിരുദം വേണം, കുറഞ്ഞത് 600 ദിനാര് മാസശമ്പളം വേണം, ലൈസന്സിന് അപേക്ഷിക്കുമ്പോള് കുവൈത്തില് തുടര്ച്ചയായി രണ്ടുവര്ഷമെങ്കിലും താമസിച്ചിരിക്കണം എന്നിവയാണവ.
രാജ്യത്ത് വാഹനത്തിരക്ക് വര്ധിച്ച സാഹചര്യം കണക്കിലെടുത്താണ് ജനറല് ട്രാഫിക് വിഭാഗം കര്ശനമാനദണ്ഡങ്ങള് ഏര്പ്പെടുത്തുന്നത്. കൂടാതെ അര്ഹതയില്ലാത്തവരുടെ അപേക്ഷകള് പരിഗണിക്കേണ്ടതില്ല എന്ന കര്ശന നിര്ദേശമാണ് ഗതാഗതവിഭാഗം ബന്ധപ്പെട്ട ഉദ്യാഗസ്ഥര്ക്ക് നല്കിയിട്ടുള്ളത്.
ഇതനുസരിച്ച്, അനര്ഹരായ 1400 വിദേശികളുടെ ലൈസന്സ് ഇതിനകം റദ്ദാക്കിയിട്ടുണ്ട്. ടാക്സി ൈഡ്രവര്മാരാണെങ്കിലും നിബന്ധനകളില് ഇളവില്ലെന്ന് ഔദ്യോഗികവക്താവ് അറിയിച്ചു.
പ്രതികരിക്കാൻ ഇവിടെ എഴുതുക