ഫേഷ്യല് ചെയ്യാത്തവരായി ഇന്ന് അധികമാരുമുണ്ടാവില്ല. എങ്കിലും സ്ത്രീകള് ഫേഷ്യല് ചെയ്യുമ്പോള് കൂടുതല് ജാഗ്രത പുലര്ത്തണം. ഫേഷ്യല് വസ്തുക്കളില് എന്തെങ്കിലും മായമുണ്ടെങ്കില് അത് പുരുഷനെ അപേക്ഷിച്ച് കൂടുതല് മൃദുവായ മുഖചര്മ്മമുള്ള സ്ത്രീയെ കൂടുതലായി ബാധിക്കും.
അതിനാല് ഫേസ്പാക്കിലടങ്ങിയിട്ടുള്ള കെമിക്കലുകളെ കുറിച്ച് ചോദിച്ച് മനസിലാക്കണം. ഫേഷ്യല് ചെയ്യുമ്പോള് മുഖത്ത് ആവികൊള്ളിക്കുന്നത് പരമാവധി ഒഴിവാക്കണം. വൈറ്റ് ഹെഡ്സ് ഉണ്ടെങ്കില് അത് പോകാന് അല്പം അരിപ്പൊടി പുളിക്കാത്ത തൈര് ഉപയോഗിച്ച് കുഴച്ച് മുഖത്ത് നന്നായി തിരുമ്മി കഴുകിയാല് മതി. ആവി പിടിക്കുന്നതിനേക്കാള് നല്ലത് ഇതാണ്.
അതുപോലെ കണ്ണിന് ചുറ്റുമുള്ള ഭാഗങ്ങള് മസാജ് ചെയ്യുമ്പോള് കൂടുതല് ബലം നല്കാതിരിക്കാന് ശ്രദ്ധിക്കുക. സ്ഥിരമാക്കിയാല് കണ്ണിന് കുഴിവുണ്ടാകുകയും ചുറ്റുമുള്ള മസിലുകള് ദുര്ബലമാകുകയും ചെയ്യും.
കാരറ്റും വെള്ളരിക്കയും ചേര്ന്ന മിശ്രിതം ഉപയോഗിച്ചുള്ള പായ്ക്കാണ് നല്ലത്. പായ്ക്കിട്ടശേഷം പാതിയുണങ്ങുമ്പോള് കഴുകിയകളയണം. പാതി ഉണങ്ങിയ പായ്ക്ക് അടര്ത്തി മാറ്റാന് ശ്രമിക്കരുത്.
പ്രതികരിക്കാൻ ഇവിടെ എഴുതുക