എഴുത്തുകാരൻ എസ് ഹരീഷിനെ പിന്തുണച്ച് മുഖ്യമന്ത്രി പിണറായി വിജയൻ രംഗത്ത്. “ആവിഷ്കാര സ്വാതന്ത്ര്യത്തിന്റെ കാര്യത്തില് സര്ക്കാര് എഴുത്തുകാരന് ഒപ്പമാണ്. എഴുതുവാനുള്ള സ്വാതന്ത്ര്യത്തിനും അവകാശത്തിനും നേര്ക്കുള്ള കടന്നാക്രമണങ്ങള് അനുവദിക്കില്ല. എഴുത്ത് ഉപേക്ഷിക്കരുത്. പ്രതിബന്ധങ്ങളെ എഴുത്തിന്റെ ശക്തി കൊണ്ടു മറികടക്കണം”; മുഖ്യമന്ത്രി ഫേസ്ബുക്ക് പോസ്റ്റില് പറയുന്നു.
സംഘപരിവാർ ഭീക്ഷണിയെത്തുടർന്ന് മാതൃഭൂമി ആഴ്ചപതിപ്പിൽ പ്രസിദ്ധീകരിച്ച് വന്ന മീശ എന്ന നോവൽ എസ് ഹരീഷിന് പിൻവലിക്കേണ്ടി വന്ന സാഹചര്യത്തിലാണ് മുഖ്യമന്ത്രിയുടെ പ്രതികരണം.
പിണറായി വിജയൻന്റെ ഫെയ്സ്ബുക്ക് പോസ്റ്റിന്റെ പൂർണ്ണരൂപം
”ആവിഷ്ക്കാര സ്വാതന്ത്ര്യത്തിന്റെ കാര്യത്തില് സാഹിത്യകാരന്റെ ഒപ്പമുണ്ടാവും കേരള ഗവര്മെന്റ്. എഴുതുവാനുള്ള സ്വാതന്ത്ര്യത്തിനും അവകാശത്തിനും നേര്ക്കുള്ള കടന്നാക്രമണങ്ങള് അനുവദിക്കില്ല. നിര്ഭയമായ അന്തരീക്ഷത്തിലേ സര്ഗ്ഗാത്മകത പുലരൂ. അതിനെ ഞെരുക്കുന്ന ഒന്നിനോടും വിട്ടുവീഴ്ചയില്ല. മീശ എന്ന നോവലിന്റെ രചയിതാവ് ഹരീഷ് വിവാദങ്ങളില് അസ്വസ്ഥ ചിത്തനാകരുത്. ശക്തമായും ധീരമായും എഴുത്തിന്റെ വഴിയില് മുന്നോട്ടു പോവുക എന്നതാണ് വിവാദ സ്രഷ്ടാക്കള്ക്ക് അദ്ദേഹം നല്കേണ്ട ഉചിതമായ മറുപടി എന്നു കരുതുന്നു. എഴുത്ത് ഉപേക്ഷിക്കരുത്. പ്രതിബന്ധങ്ങളെ എഴുത്തിന്റെ ശക്തി കൊണ്ടു മറികടക്കണം.”
https://www.facebook.com/PinarayiVijayan/posts/1838835212874967
യൂത്ത് കോണ്. ദേശീയ ജനറല് സെക്രട്ടറി സ്ഥാനത്ത് നിന്ന് ഷാഫി പറമ്പിൽ പുറത്ത്
പ്രതികരിക്കാൻ ഇവിടെ എഴുതുക