ഇന്ത്യൻ ചരിത്രത്തിലെ തന്നെ ഏറ്റവും വിപ്ലവാത്മകമായ വിധികളാണ് ഇന്നലെയും ഇന്നുമായി സുപ്രീം കോടതിയുടെ ഭാഗത്ത് നിന്നുമുണ്ടായത്. വിവാഹേതര ലൈംഗികബന്ധം കുറ്റകരമല്ലെന്നും ഭർത്താവ് ഭാര്യയുടെ ഉടമയല്ല എന്ന വിധി ഇന്നലെ സുപ്രീം കോടതി പ്രസ്താവിച്ചതിന് പിന്നാലെ നിരവധി വിവാദങ്ങളും ചർച്ചകളുമാണ് ഉയർന്നു വന്നത്. അതിന്റെ തീയൊന്നണയും മുന്നേ ഇതാ ശബരിമലയിൽ ഏത് പ്രായത്തിലുള്ള സ്ത്രീകൾക്കും പ്രവേശനം ഉറപ്പാക്കികൊണ്ടുള്ള അടുത്ത വിധിയുമെത്തി. ആർത്തവ സമയത്ത് സ്ത്രീകൾക്ക് അമ്പലത്തിൽ പ്രവേശിക്കാൻ തടസം നിന്ന വകുപ്പും സുപ്രീം കോടതി ഇന്ന് റദ്ദാക്കിയിരുന്നു.
സംഭവത്തിൽ ഭിന്നാഭിപ്രായങ്ങളുമായി നിരവധിപേർ ഇതിനകം രംഗത്ത് വന്നു കഴിഞ്ഞു. മലയാള സിനിമാ സംവിധായകനും നടനയുമായ സന്തോഷ് പണ്ഡിറ്റ് തന്റെ ഔദ്യോഗിക ഫെയ്സ്ബുക്ക് പേജിലൂടെ സുപ്രീം കോടതി വിധികളെ വിലയിരുത്തിയിരിക്കുകയാണ്. ഒരു യഥാര്ത്ഥ ഭക്തന് ഈ വിധി കാരണം യാതൊരു മാനസിക ചാഞ്ചല്യവും ഉണ്ടാവില്ല, ഇതെല്ലാം രാഷ്ട്രീയമായ കടന്നു കയറ്റത്തിന്റെ തിക്താനുഭവം മാത്രമാണ്. അതിനാല് ഭക്തര് വ്യാകുലപ്പെടരുത് എന്നസന്തോഷ് പണ്ഡിറ്റ് കുറിപ്പിൽ പറയുന്നു.
സന്തോഷ് പണ്ഡിറ്റിന്റെ ഫെയ്സ്ബുക്ക് കുറിപ്പിന്റെ പൂർണ്ണരൂപം
“Dear facebook Family,
ഒരു ഭാര്യയ്ക്ക് ഭർത്താവില് വിശ്വാസം ഉണ്ടാവുകയും അത് പോലെ ഒരു ഭർത്താവിന് ഭാര്യയിലും വിശ്വാസവും സ്നേഹവും ഉണ്ടാവുകയും സ്വന്തം ആണെന്ന് വിചാരിച്ച് ജീവിച്ചാൽ സമാധാനമായ് ജീവിക്കാം.
ഈ വിധി വന്നാലും വന്നില്ലെങ്കിലും ഇത് ചെയ്യുന്നവർ ചെയ്യും ചെയ്യരുതെന്ന് ഉറച്ച തീരുമാനം ഉള്ളവർ ചെയ്യില്ല.
കോടതി അംഗീകരിച്ചു എന്നു വച്ചു മതില് ചാടാൻ പോയാൽ ചിലപ്പോൾ സദാചാരപോലീസുകാർ തല്ലാം , പ്രശ്നം ഉണ്ടാക്കാം. അത് ഏവരും കരുതി ഇരിക്കുക.
ശബരിമലയിൽ സ്ത്രീ പ്രവേശനം അനുവദിച്ചുകൊണ്ട് സുപ്രീം കോർട്ട് വിധി വന്നല്ലോ. കോടതി വിധിയെ ബഹുമാനിക്കുന്നു. എന്നാല് ആചാര അനുഷ്ടാനങ്ങളില് വിശ്വസിക്കുന്ന
ഒരു യഥാർത്ഥ ഭക്തന് ഈ വിധി കാരണം യാതൊരു മാനസിക ചാഞ്ചല്യവും ഉണ്ടാവില്ല….തെറ്റ് ചെയ്യേണ്ടവർ അത് ചെയ്തുകൊണ്ടേ ഇരിക്കും, അതിനെ പറ്റി ഒരു യഥാർത്ഥ ഭക്തൻ വ്യാകുലപ്പെടേണ്ട കാര്യം ഇല്ല . ഇതെല്ലാം രാഷ്ട്രീയമായ കടന്നു കയറ്റത്തിന്റെ തിക്താനുഭവം …
സ്വാമി ഭക്തർ വ്യാകുലപ്പെടരുത്..
അധികം വൈകാതെ ഇന്ത്യയിലും പാശ്ചാത്യ സംസ്കാരത്തിന്റെ അഴിഞ്ഞാട്ടം ഉണ്ടാകുമോ?
(വാൽകഷണം:- . നാളെ പുരുഷന്മാർ പ്രസവിക്കണം എന്നുടെ പറഞ്ഞു വരുമോ…. സമത്വം വേണ്ടേ… വിവാഹ സമയത്ത് പുരുഷൻ താലി ചാർത്തുന്നതിന് പകരം സ്ത്രീ പുരുഷന് ചാർത്തുന്നതല്ലേ ഹീറോയിസം… ഇനി ധൈര്യമായ “ചിന്ന വീട് ” സെറ്റപ്പ് നടത്താം എന്ന് ആരെങ്കിലും ചിന്തിച്ചാൽ തെറ്റു പറയുവാൻ പറ്റുമോ?
പാവം അവിഹിത സീരിയലുകാർ … പുതിയ വിധി കാരണം മെഗാ സീരിയലുകളുടെ കഥ മൊത്തം മാറ്റി എഴുതേണ്ടി വരും.’ കഷ്ടം’ )”
പ്രതികരിക്കാൻ ഇവിടെ എഴുതുക