സിപിഎം നേതാവും മുന് എംഎല്എയുമായ സൈമണ് ബ്രിട്ടോ (64) അന്തരിച്ചു. ഹൃദയാഘാതത്തെ തുടര്ന്നാണ് അന്ത്യം. ഒരു പൊതുവേദിയില് പങ്കെടുക്കാനെത്തിയ ബ്രിട്ടോയ്ക്ക് ഹൃദയാഘാതം ഉണ്ടാവുകയായിരുന്നു. തൃശൂരിലെ സ്വകാര്യ ആശുപത്രിയിലായിരുന്നു അന്ത്യം.
എസ്എഫ്ഐ സംസ്ഥാന നേതാവായിരിക്കെ 1983ല് ആക്രമണത്തിന് ഇരയായി. ആക്രമണത്തില് അരയ്ക്ക് താഴെ തളര്ന്നതിന് ശേഷം വീല്ചെയറിയിലാണു പൊതുപ്രവര്ത്തനം നടത്തിയത്.
എറണാകുളം വടുതലയില് നിക്കോളാസ് റോഡ്രിഗ്സിന്റെയും ഐറിന് റോഡ്രിഗസിന്റെയും മകനായി 1954 മാര്ച്ച് 27ന് ജനിച്ചു. വിദ്യാഭ്യാസം എറണാകുളം സെന്റ് ആല്ബര്ട്സ് കോളജിലും ബീഹാറിലെ മിഥില സര്വ്വകലാശാലയിലുമായിരുന്നു.
2006-11 വരെ നിയമസഭയിലെ ആംഗ്ലോ ഇന്ത്യന് പ്രതിനിധിയായിരുന്നു. ഭാര്യ: സീന ഭാസ്കര്, മകള്: കയനില
പ്രതികരിക്കാൻ ഇവിടെ എഴുതുക