രാജ്യത്തെ അഭിസംബോധന ചെയ്ത് കൊണ്ട് പ്രധാനമന്ത്രി മിസൈല് പരീക്ഷണ വിജയത്തെക്കുറിച്ച് പറഞ്ഞത് പെരുമാറ്റ ചട്ട ലംഘനമെന്ന് മുല്ലപ്പള്ളി രാമചന്ദ്രൻ. രാഷ്ട്രീയ നേട്ടത്തിന് വേണ്ടി ശാസ്തജ്ഞന്മാരുടെ പ്രാഗല്ഭ്യം മോദി ദുരുപയോഗം ചെയ്യുകയാണ്.
രാജ്യം ഇന്ന് കാണുന്ന ബഹിരാകാശ ശാസ്ത്രരംഗത്തെ പുരോഗതിക്ക് അടിത്തറ പാകിയത് കോണ്ഗ്രസ് നേതാക്കളായ ജവഹര്ലാല് നെഹ്രുവും ഇന്ദിരാഗാന്ധിയുമാണ്. ആന്റി സാറ്റ്ലൈറ്റ് മിസൈല് പദ്ധതിയ്ക്ക് തുടക്കം കുറിച്ചത് രണ്ടാം യു.പി.എ സര്ക്കാരിന്റെ കാലത്താണെന്നത് മോദി മറക്കരുത്.
മുന് പ്രധാനമന്ത്രി മന്മോഹന് സിങിന്റെ കാലത്ത് 2010 ല് ഈ നേട്ടം കൈവരിച്ചതായി ഡി.ആര്.ഡി.ഒ മേധാവി വി.കെ.സരസ്വത് പരസ്യ പ്രസ്താവന നടത്തിയിട്ടുമുണ്ട്, മുല്ലപ്പള്ളി പറഞ്ഞു.
പ്രതികരിക്കാൻ ഇവിടെ എഴുതുക