കൊച്ചി: കെഎസ്ആര്ടിസിയില് വീണ്ടും കൂട്ടപ്പിരിച്ചുവിടല്. നിലവില് സര്വീസിലുള്ള എല്ലാ എം പാനല് ഡ്രൈവര്മാരെയും പിരിച്ചുവിടണമെന്ന് ഹൈക്കോടതി ഡിവിഷന് ബെഞ്ചിന്റെ ഉത്തരവ്.
പിഎസ്സി ഉദ്യോഗാര്ത്ഥികള് നല്കിയ ഹര്ജിയിലാണ് ഉത്തരവ്. ഈ മാസം 30നകം പിരിച്ചുവിടല് നടപടി പൂര്ത്തിയാക്കണം. 2455 വേക്കൻസികളിൽ പിഎസ്സി റാങ്ക് ലിസ്റ്റിൽ ഉള്ളവരെ നിയമിക്കണം. ഇവരെ നിയമിക്കാനുള്ള അഡ്വൈസ് മെമ്മോ എത്രയും പെട്ടെന്ന് നൽകണം. ഈ മാസം 30-നകം ഇത് സംബന്ധിച്ച് എടുത്ത നടപടികളെല്ലാം ചേർത്ത് റിപ്പോര്ട്ട് നല്കണമെന്നും കോടതി നിര്ദ്ദേശിച്ചു.
പ്രതികരിക്കാൻ ഇവിടെ എഴുതുക