കോഴിക്കോട് : വിദ്യാർത്ഥികളുടെ മുഖം മറച്ചുകൊണ്ടുള്ള വസ്ത്രധാരണം നിരോധിച്ചു കൊണ്ട് എംഇഎസ് കോളേജ് സർക്കുലർ പുറത്തിറക്കി. പ്രസിഡന്റ് ഡോ. പി.കെ. ഫസല് ഗഫൂറാണ് സര്ക്കുലര് പുറത്തുവിട്ടത്. പൊതു സമൂഹത്തിന് സ്വീകാര്യമല്ലാത്ത വസ്ത്രധാരണം അംഗീകരിക്കാനാകില്ലെന്ന് സര്ക്കുലറില് വ്യക്തമാക്കുന്നു.
ഹൈക്കോടതി വിധിയുടെ പശ്ചാത്തലത്തിലാണ് സര്ക്കുലര് പുറത്തിറക്കിയത്. 2019-20 അധ്യായന വര്ഷം മുതല് അത് പ്രാവര്ത്തികമാക്കണമെന്നും ഇക്കാര്യം നിയമമായി ഉള്പ്പെടുത്തി പുതിയ അധ്യായന വര്ഷത്തെ കോളജ് കലണ്ടര് തയാറാക്കണമെന്നും സര്ക്കുലറില് നിര്ദ്ദേശിക്കുന്നുണ്ട്.
ഈ സർക്കുലറിനെതിരെ സമസ്തയടക്കമള്ള മുസ്ലീം സംഘടനകള് രംഗത്തെത്തിയിട്ടുണ്ട്. ഇത് വിശ്വാസത്തിന് നേരെയുള്ള കടന്നുകയറ്റമാണെന്നും, എം.ഇ.എസിന്റെ നിലപാട് അംഗീകരിക്കാന് കഴിയില്ലെന്നും സമസ്ത വ്യക്തമാക്കി.
പ്രതികരിക്കാൻ ഇവിടെ എഴുതുക