പിണറായി സർക്കാർ അധികാരത്തിൽ വന്നതിന് ശേഷം സംസ്ഥാനത്ത് റിപ്പോർട് ചെയ്തത് 15 കർഷക ആത്മഹത്യകൾ. ഇടുക്കിയിൽ പത്തും വയനാട്ടിൽ അഞ്ചും കർഷക ആത്മഹത്യകളാണ് റിപ്പോർട്ട് ചെയ്തിരിക്കുന്നത്. കര്ഷക ആത്മഹത്യ പെരുകുന്നത് ചര്ച്ച ചെയ്യണമെന്നാവശ്യപ്പെട്ട് പ്രതിപക്ഷം നല്കിയ അടിയന്തര പ്രമേയ നോട്ടീസിന് മറുപടി നൽകവെ കൃഷിമന്ത്രി സുനിൽ കുമാറാണ് കണക്കിൽ നിരത്തിയത്. വയനാട്ടില് നിന്നുള്ള എം.എല്.എയായ ഐ.സി ബാലകൃഷ്ണനാണ് അടിയന്തര പ്രമേയത്തിന് നോട്ടീസ് നല്കിയത്.
പിണറായി വിജയന് സര്ക്കാര് അധികാരത്തില് വന്നശേഷം 15 കര്ഷകരാണ് ആത്മഹത്യ ചെയ്തതെന്നാണ് മന്ത്രി അറിയിച്ചത്. കര്ഷകര്ക്കുവേണ്ട സഹായങ്ങള് ഉറപ്പാക്കാനുള്ള നടപടികള് സര്ക്കാര് സ്വീകരിക്കുന്നുണ്ട്. കര്ഷകരുടെ കാര്ഷിക വായ്പകള്ക്കു പുറമേ വിദ്യാഭ്യാസ വായ്പകള് ഉള്പ്പെടെയുള്ള മറ്റു വായ്പകള്ക്കും മൊറട്ടോറിയം ഏര്പ്പെടുത്തണമെന്ന് ബാങ്കുകളോട് ആവശ്യപ്പെട്ടിട്ടുണ്ട്. സര്ക്കാര് അത് നടപ്പാക്കി വരുന്നുണ്ടെന്നും കൃഷി മന്ത്രി സഭയില് ഉറപ്പു നല്കി.
പ്രതികരിക്കാൻ ഇവിടെ എഴുതുക