കണ്ണൂർ : സി.പി.ഐ,എം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന് ബിനോയ് കോടിയേരിക്കെതിരായ ലൈംഗിക പീഡന പരാതി അന്വേഷിക്കാന് മുംബൈ പൊലീസ് സംഘം കണ്ണൂരിലെത്തിയാതായി റിപ്പോർട്ട്.
ബിനോയിക്ക് എതിരായ പരാതിയില് യുവതി നല്കിയിരുന്നത് കണ്ണൂരിലെ തിരുവങ്ങാട്ടുള്ള വിലാസമാണ്. ഈ വിലാസം തേടിയാണ് മുംബൈ പൊലീസ് സംഘം കണ്ണൂരിലെത്തിയിരിക്കുന്നത്. മുംബൈ ഓഷിവാര പൊലീസ് സ്റ്റേഷനില് നിന്നുള്ള സംഘമാണ് കണ്ണൂരിലെത്തിയിരിക്കുന്നത്.
വിവാഹ വാഗ്ദാനം നല്കി പീഡിപ്പിച്ചെന്ന് ആരോപിച്ചാണ് ബിഹാര് സ്വദേശിനിയായ മുപ്പത്തിനാലുകാരി ബിനോയ് കോടിയേരിക്കെതിരെ പരാതി നല്കിയിരിക്കുന്നത്.
കേസന്വേഷണത്തിന്റെ ഭാഗമായി മൂന്ന് ദിവസത്തിനകം ഹാജരാകണമെന്ന് ആവശ്യപ്പെട്ട് നേരത്തേ ബിനോയ് കോടിയേരിക്ക് പൊലീസ് നോട്ടീസയച്ചിരുന്നു. പരാതിക്കാരിയുടെയും സാക്ഷികളുടെയും മൊഴികളെടുക്കാന് ഒരുങ്ങുകയാണ് മുംബൈ പൊലീസ്. അറസ്റ്റിനുള്ള സാധ്യത കണക്കിലെടുത്ത് മുന്കൂര് ജാമ്യത്തിന് ശ്രമിക്കുകയാണ് ബിനോയ് കോടിയേരി എന്നാണ് സൂചന. യുവതിക്കൊപ്പം ബിനോയ് നില്ക്കുന്ന ചിത്രങ്ങളും ബാങ്ക് സ്റ്റേറ്റ്മെന്റുകളും പൊലീസ് പരിശോധിക്കും.
യുവതിക്കെതിരെ ബിനോയ് നല്കിയ പരാതിയില് ഇപ്പോഴും കണ്ണൂര് റേഞ്ച് ഐജി തുടര്നടപടി എടുത്തിട്ടില്ല. മുംബൈയില് നടന്ന സംഭവങ്ങളില് കേരളത്തില് കേസ് എടുക്കാനാകുമോ എന്ന സംശയം പ്രകടിപ്പിച്ച് നേരത്തെ എസ്.പി, ഐജിക്ക് റിപ്പോര്ട്ട് നല്കിയിരുന്നു.
അതേസമയം, വിഷയത്തില് പ്രതികരിക്കാതെ ഒഴിഞ്ഞു മാറുകയാണ് മുഖ്യമന്ത്രി പിണറായി വിജയന്. കോടിയേരിയും വിഷയത്തോട് പ്രതികരിക്കാന് ഇതുവരെ തയ്യാറായിട്ടില്ല. വിഷയം ചര്ച്ച ചെയ്യേണ്ടത് തന്നെയാണെന്നും എന്നാല് മക്കള് ചെയ്യുന്ന തെറ്റിന് ഒരു നേതാവിനെ ക്രൂശിക്കുന്നതെന്തിന് എന്നായിരുന്നു സാംസ്കാരിക വകുപ്പ് മന്ത്രി എ. കെ ബാലന്റെ പ്രതികരണം.
“ഏതെങ്കിലുമൊരു വ്യക്തിയുമായോ ഒരു പാര്ട്ടിയുമായോ ഇതിനെ കൂട്ടിക്കെട്ടേണ്ട കാര്യമില്ല. അതുകൊണ്ട് കുട്ടികളെന്തെങ്കിലും ചെയ്യുന്നതിന്റെ ഭാഗമായിട്ട് ഒരു നേതാവിനെയോ പ്രസ്ഥാനത്തെയോ ക്രൂശിക്കുന്നതോ, കോര്ണര് ചെയ്യുക എന്നതോ ഗുണമുള്ള കാര്യമല്ല”, എ. കെ ബാലന് പറഞ്ഞു.
സമാനമായ പ്രതികരണമായിരുന്നു മന്ത്രി ജെ. മേഴ്സിക്കുട്ടിയമ്മയുടേതും. “പാര്ട്ടിയില് ആരും ഇതില് ഇടപെടാന് പോകുന്നില്ല. ആരാണോ തെറ്റ് ചെയ്തത് അവര് അനുഭവിക്കും എന്നതല്ലാതെ പാര്ട്ടിക്ക് ഇക്കാര്യത്തില് യാതൊരു ഉത്തരവാദിത്വവുമില്ല”, മേഴ്സിക്കുട്ടിയമ്മ പറഞ്ഞു.
പ്രതികരിക്കാൻ ഇവിടെ എഴുതുക