അമല പോളിനെ നായികയാക്കി രത്നകുമാര് സംവിധാനം ചെയ്ത ചിത്രം ‘ആടെ’യുടെ ട്രെയ്ലര് പുറത്തുവിട്ടു. ചിത്രത്തിന് ‘എ’ സെന്സര് സര്ട്ടിഫിക്കറ്റാണ് നല്കിയിരിക്കുന്നത്. ചിത്രത്തിന്റെ പോസ്റ്റർ സോഷ്യൽ മീഡിയകളിൽ തരംഗമായിരുന്നു.
ദേഹമാസകലം പരുക്ക് പറ്റി ടോയ്ലറ്റ് പേപ്പര് ചുറ്റിയ അമലയുടെ ചിത്രമാണ് പോസ്റ്ററിലുള്ളത്. കൂടാതെ ചിത്രത്തിൽ കാമിനി എന്ന കഥാപാത്രത്തെയാണ് അമല പോള് ചിത്രത്തില് അവതരിപ്പിക്കുന്നത്.
ചിത്രത്തിന്റെ കഥകേട്ട് മറ്റ് പ്രോജക്ടുകള് വേണ്ടെന്നു വെച്ചിട്ടാണ് ആടെ സ്വീകരിച്ചതെന്ന് നേരത്തെ അമല പോള് പറഞ്ഞിരുന്നു. കാര്ത്തിക് കണ്ണന് ഛായാഗ്രഹണം നിര്വ്വഹിക്കുന്ന ചിത്രത്തിന്റെ സംഗീത സംവിധാനം ഗായകന് പ്രദീപ് കുമാറാണ്. വി സ്റ്റുഡിയോസാണ് ചിത്രം നിര്മ്മിക്കുന്നത്.
പ്രതികരിക്കാൻ ഇവിടെ എഴുതുക