കൊച്ചി: എടയന്നൂര് യൂത്ത് കോണ്ഗ്രസ് പ്രവര്ത്തകന് ഷുഹൈബിനെ വെട്ടിക്കൊലപ്പെടുത്തിയ കേസില് സിബിഐ അന്വേഷണം ആവശ്യമില്ലെന്ന സര്ക്കാരിന്റെ അപ്പീലില് ഇന്നും വാദം തുടരും. അന്വേഷണം സിബിഐയ്ക്ക് കൈമാറിയ സിംഗിള് ബെഞ്ച് ഉത്തരവ് ചോദ്യം ചെയ്താണ് സര്ക്കാര് ഹൈക്കോടതിയില് അപ്പീല് ഹര്ജി സമര്പ്പിച്ചത്.
ഷുഹൈബ് വധക്കേസില് കഴിഞ്ഞ വര്ഷം മാര്ച്ചിലാണ് സിംഗിള് ബെഞ്ച് സിബിഐ അന്വേഷണത്തിന് ഉത്തരവിട്ടത്. ഷുഹൈബിന്റെ മാതാപിതാക്കള് സമര്പ്പിച്ച ഹര്ജിയില് ജസ്റ്റിസ് ബി കെമാല്പാഷയാണ് സിബിഐ അന്വേഷണത്തിന് ഉത്തരവിട്ടത്. ഇതിനെതിരെയാണ് സര്ക്കാര് ഹൈക്കോടതിയില് അപ്പീല് സമര്പ്പിച്ചത്. സുപ്രീംകോടതി അഭിഭാഷകനായ വിജയ് ഹന്സാരിയാണ് സര്ക്കാരിനു വേണ്ടി ഹാജരാകുന്നത്. കേസിലെ ഗൂഡാലോചന അടക്കം വിശദമായി അന്വേഷിച്ചതാണ്. അതിനാല് കേന്ദ്ര ഏജന്സി വീണ്ടും അന്വേഷിക്കേണ്ടതില്ലെന്നാണ് സംസ്ഥാന സര്ക്കാര് നിലപാട്.
പ്രതികരിക്കാൻ ഇവിടെ എഴുതുക