തിരുവനന്തപുരം: സര്വേ ഡയറക്ടര് ശ്രീറാം വെങ്കിട്ടരാമന് മദ്യപിച്ച്അമിത വേഗത്തില് വാഹനമോടിച്ച് അപകടം വരുത്തിയ സംഭവത്തില് ഒപ്പം സഞ്ചരിച്ചിരുന്ന വഫ ഫിറോസിന്റെ രഹസ്യ മൊഴി രേഖപ്പെടുത്തി.
വഞ്ചിയൂര് ഫസ്റ്റ് ക്ലാസ് മജിസ്ട്രേറ്റ് കോടതിയിലാണ് മൊഴി രേഖപ്പെടുത്തിയത്.ഇതിനിടെ പരിക്കേറ്റ് സ്വകാര്യ ആശുപത്രിയില് കഴിയുന്ന ശ്രീറാം വെങ്കിട്ടരാമന്റെ അറസ്റ്റ് പോലീസ് രേഖപ്പെടുത്തി.
ജാമ്യമില്ലാ വകുപ്പ് പ്രകാരം ഇയാള്ക്കെതിരെ പോലീസ് കേസെടുത്തിട്ടുണ്ട്.
ശനിയാഴ്ച പുലര്ച്ചെ വഫയും ശ്രീറാം വെങ്കിട്ടരാമനും സഞ്ചരിച്ചിരുന്ന കാറിടിച്ച് സിറാജ് ദിനപത്രത്തിന്റെ തിരുവനന്തപുരം ബ്യൂറോ ചീഫ് കെ.എം. ബഷീര് മരിച്ചിരുന്നു.
അമിതവേഗത്തില് വന്ന കാര് ബൈക്കിന് പിന്നിലിടിച്ചായിരുന്നു അപകടം. കാര് ഓടിച്ചിരുന്ന ശ്രീറാം വെങ്കിട്ടരാമന് മദ്യപിച്ച നിലയിലായിരുന്നു. എന്നാല് വഫയാണ് കാറ് ഓടിച്ചിരുന്നതെന്നാണ് ശ്രീറാം പോലീസിനോട് പറഞ്ഞിരുന്നത്.
ഇതേ തുടര്ന്നാണ് മജിസ്ട്രേറ്റിന് മുന്നില് വഫയുടെ രഹസ്യമൊഴി രേഖപ്പെടുത്താന് പോലീസ് തീരുമാനിച്ചത്.
എന്നാല് പോലീസ് ചോദ്യം ചെയ്യലില് ശ്രീറാം വെങ്കിട്ടരാമന് തന്നെയാണ് കാറോടിച്ചിരുന്നതെന്ന് വഫ മൊഴി നല്കുകയുണ്ടായി.
ദൃക്സാക്ഷി മൊഴികളും ശ്രീറാമാണ് വാഹനമോടിച്ചിരുന്നത് എന്ന് തന്നെയായിരുന്നു. അന്വേഷണത്തിലും നടപടികളിലും ആദ്യം വിമുഖ കാണിച്ച പോലീസ് പ്രതിഷേധം ശക്തമായതോടെയാണ് രക്ത പരിശോധനയടക്കം നടത്താന് തയ്യാറായത്.
ശ്രീറാം വെങ്കിട്ടരാമന്റെ പേരില് ജാമ്യമില്ലാ കുറ്റം ചുമത്താനും ഡിജിപിയുടെ നിര്ദേശമുണ്ടായിരുന്നു.
പ്രതികരിക്കാൻ ഇവിടെ എഴുതുക