പ്രഭാസ് നായകനായെത്തുന്ന ചിത്രം സാഹോയുടെ ട്രെയ്ലര് പുറത്തിറങ്ങി. ഈ മാസം 30-ന് പുറത്തിറങ്ങുന്ന ചിത്രത്തിന്റ റിലീസിനായി ആകാംഷയോടെ കാത്തിരിക്കുകയാണ് ആരാധകര്. ബാഹുബലി പോലെ സാഹോയും ചലച്ചിത്ര ലോകത്ത് തരംഗം സൃഷ്ടിക്കുമോയെന്നാണ് എല്ലാവരും ഉറ്റുനോക്കുന്നത്.
ബോളിവുഡിലെ മുന്നിര നായികമയായ ശ്രദ്ധ കപൂര് ആദ്യമായി അഭിനയിക്കുന്ന തെലുങ്ക് ചിത്രം കൂടിയാണിത്.
മലയാളം, തമിഴ്, തെലുങ്ക്, ഹിന്ദി ഭാഷകളിലായിട്ടാണ് ചിത്രം പുറത്തിറങ്ങുന്നത്. ഈ ഭാഷകളിലുമുള്ള ട്രെയ്ലറുകളാണ് റിലീസ് ചെയ്തിരിക്കുന്നത്.
സുജിത്ത് റെഡ്ഡി സംവിധാനം ചെയ്യുന്ന ചിത്രം 300 കോടി ബഡ്ജറ്റിലാണ് ഒരുങ്ങുന്നത്. യുവി ക്രിയേഷന്സിന്റെ ബാനറില് വംശി പ്രമോദാണ് സിനിമ നിര്മ്മിക്കുന്നത്. മലയാള നടന് ലാല് ചിത്രത്തില് ഒരു പ്രധാന വേഷം അവതരിപ്പിക്കുന്നുണ്ട്.
ജാക്കി ഷ്റോഫ്, നീല് നിതിന് മുകേഷ്, മന്ദിര ബേദി, ചങ്കി പാണ്ഡെ, മഹേഷ് മഞ്ജരേക്കര്, അരുണ് വിജയ്, മുരളി ശര്മ്മ, ടിനു ആനന്ദ്, വെനില കിഷോര് തുടങ്ങിയവരും സഹോയില് അണിനിരക്കുന്നുണ്ട്.
സാബു സിറില് കലാസംവിധാനം നിര്വഹിക്കുന്ന സിനിമയ്ക്ക് ആര് മഥി ഛായാഗ്രഹണവും ശ്രീകര് പ്രസാദ് എഡിറ്റിങ്ങും നിര്വഹിക്കുന്നു.
പ്രതികരിക്കാൻ ഇവിടെ എഴുതുക