ന്യൂഡല്ഹി: ഐ.എന്.എക്സ്. മീഡിയ കേസില് മുന് കേന്ദ്രമന്ത്രി പി. ചിദംബരത്തെ സിബിഐ അറസ്റ്റ് ചെയ്തു. എഐസിസി ആസ്ഥാനത്ത് നടത്തിയ വാര്ത്താ സമ്മേളനത്തിനു ശേഷം വീട്ടിലെത്തിയ ചിദംബരത്തെ അവിടെയെത്തിയാണ് സിബിഐ അറസ്റ്റ് ചെയ്തത്.
കടുത്ത പ്രതിഷേധങ്ങള്ക്കിടെയാണ് പി ചിദംബരത്തെ അറസ്റ്റ് ചെയ്ത് സിബിഐ പുറത്തേക്ക് കൊണ്ടുപോയത്. തടയാന് ശ്രമിച്ച യൂത്ത് കോണ്ഗ്രസ് പ്രവര്ത്തകരെ പോലീസ് പിടിച്ചുമാറ്റി.
ചിദംബരത്തിന്റെ മുന്കൂര് ജാമ്യാപേക്ഷ വെള്ളിയാഴ്ച സുപ്രീം കോടതി പരിഗണിക്കാനിരിക്കെയാണ് സിബിഐയുടെ നടപടി.
പ്രതികരിക്കാൻ ഇവിടെ എഴുതുക