മ്യൂണിക്ക് അന്താരാഷ്ട്ര വിമാനത്താവളമാണ് സുരക്ഷാ പരിശോധനകള് പൂര്ത്തിയാക്കാതെ യാത്രക്കാരന് എമര്ജന്സി വാതിലിലൂടെ പുറത്തിറങ്ങിയതു കാരണം ഭാഗികമായി അടച്ചിട്ടത്. ജര്മനിയിലെ തിരക്കേറിയ വിമാനത്താവളത്തില് ചൊവ്വാഴ്ചയായിരുന്നു സംഭവം. പാസ്പോര്ട്ട് കണ്ട്രോള് വിഭാഗത്തിലൂടെ പരിശോധനകള് പൂര്ത്തിയാക്കി കടന്നുപോകുന്നതിന് പകരം ടെര്മിനലില് നിന്ന് എമര്ജന്സി എക്സിറ്റ് തുറന്ന് ഒരു യാത്രക്കാരന് പുറത്തിറങ്ങുകയായിരുന്നു. ഇതാണ് സംഭവങ്ങൾക്ക് കാരണം.
ഇയാളെ പിന്നീട് പൊലീസ് പിടികൂടി. യുവാവിന് അബദ്ധം പറ്റിയതാണെന്നും ഇതിന്റെ പേരില് മറ്റ് നടപടികള് നേരിടേണ്ടി വരില്ലെന്നും പൊലീസ് അധികൃതര് അറിയിച്ചു. യാത്രക്കാരന് വേണ്ടി വിമാനത്താവളത്തില് പൊലീസ് നടത്തിയ തെരച്ചില് കാരണം അയ്യായിരത്തോളം പേരാണ് കുടുങ്ങിയതെന്ന് വിമാനത്താവള വക്താവ് അറിയിച്ചു. മ്യൂണിക്കിലേക്ക് വന്നതും ഇവിടെനിന്ന് പുറപ്പെടേണ്ടിയിരുന്നതുമായ 130ഓളം വിമാന സര്വീസുകള് റദ്ദാക്കുകയും ചെയ്തു. യാത്രയ്ക്കായി നേരത്തെ സുരക്ഷാ പരിശോധനകള് പൂര്ത്തിയാക്കിയ യാത്രക്കാര് വീണ്ടും പരിശോധനകള്ക്ക് വിധേയമാകേണ്ടിയും വന്നു.
ബാങ്കോങ്കില് നിന്ന് വന്ന സ്പാനിഷ് പൗരനാണ് വിമാനത്താവളത്തിന്റെ പ്രവര്ത്തനം താറുമാറാക്കിയത്. മാഡ്രിഡിലേക്കുള്ള കണക്ഷന് ഫ്ലൈറ്റിലായിരുന്നു ഇയാള് പോകേണ്ടിയിരുന്നത്. വിമാനത്തില് കയറുന്നതിന് മുന്പ് ഇയാള് സുരക്ഷാ പരിശോധനകള്ക്ക് വിധേയമാകേണ്ടിയിരുന്നു. ഇതിന് പകരം എമര്ജന്സി എക്സിറ്റ് തുറന്ന് അതിലൂടെ പുറത്തിറങ്ങുകയായിരുന്നു. ഇതോടെ വിമാനത്താവളത്തില് അപായ അലാം മുഴങ്ങി. തുടര്ന്നാണ് സര്വീസുകള് നിര്ത്തിവെച്ച് വിമാനത്താവളം ഭാഗികമായി അടച്ചിടേണ്ടിവന്നത്.
പ്രതികരിക്കാൻ ഇവിടെ എഴുതുക