കൊച്ചി കോര്പ്പറേഷന് ഡെപ്യൂട്ടി മേയര് സ്ഥാനത്തേക്കുള്ള തെരഞ്ഞെടുപ്പ് ഇന്ന് നടക്കും. അട്ടിമറിക്കുള്ള എല്ലാ സാധ്യതകളും അടച്ചുകൊണ്ടാണ് യു.ഡി.എഫ് തെരഞ്ഞെടുപ്പിനൊരുങ്ങുന്നത്.
എന്നാല് അവസാന നിമിഷത്തില് അടിയൊഴുക്കുകള് ഉണ്ടാകുമെന്നാണ് എല്.ഡി.എഫ് പ്രതീക്ഷ.
ഡെപ്യൂട്ടി മേയർ ടി.ജെ. വിനോദ് എം.എൽ.എയായ സാഹചര്യത്തിലാണ് ആ സ്ഥാനത്തേക്ക് തെരെഞ്ഞെടുപ്പ് നടക്കുന്നത്.
കൗൺസിൽ ഹാളിൽ രാവിലെ 11ന് ജില്ലാ വരണാധികാരി കൂടിയായ കലക്ടർ എസ്. സുഹാസിന്റെ സാന്നിധ്യത്തിലായിരിക്കും തെരഞ്ഞെപ്പ് നടക്കുക.
ഫോര്ട്ട് കൊച്ചി 18 ആം ഡിവിഷനിലെ കൗണ്സിലര് കെ.ആര് പ്രേംകുമാറാണ് കോണ്ഗ്രസിന്റെ സ്ഥാനാര്ഥി.
മേയറുടെ സ്ഥാനമാറ്റവുമായി ബന്ധപ്പെട്ട് ഇടഞ്ഞ് നിന്ന സ്വതന്ത്ര കൗണ്സിലര് ഗീതാപ്രഭാകറിനെ അനുനയിപ്പിക്കാന് കഴിഞ്ഞതും ബി.ജെ.പി വോട്ടെടുപ്പില് നിന്ന് വിട്ടുനില്ക്കാനുള്ള സാധ്യതയുമാണ് കോണ്ഗ്രസിന്റെ ആത്മവിശ്വാസം വര്ധിപ്പിക്കുന്നത്.
പ്രതിപക്ഷ നേതാവ് കെ.ജെ ആന്റണിയാണ് എല്.ഡിഎഫിന്റെ സ്ഥാനാര്ത്ഥി.
പ്രതികരിക്കാൻ ഇവിടെ എഴുതുക