പ്രതിപക്ഷത്തിന്റെ കടുത്ത വിമര്ശനങ്ങളെയും പ്രതിഷേധങ്ങളെയും അവഗണിച്ച് ദേശീയ പൗരത്വ ഭേദഗതി ബില് രാജ്യസഭയിൽ പാസാക്കി. നേരത്തെ ലോക്സഭയും ബില് പാസാക്കിയിരുന്നു. ഇരുസഭകളും പാസാക്കിയ ബില്ലില് ഇനി രാഷ്ട്രപതി ഒപ്പ് വയ്ക്കുന്നതോടെ പൗരത്വ ഭേദഗതി ബില് നിയമമായി മാറും.
1955-ലെ പൗരത്വനിയമത്തില് ഭേദഗതി വരുത്തുന്നതാണ് പുതിയ ബില്. പാക്കിസ്ഥാന്, ബംഗ്ലദേശ്, അഫ്ഗാനിസ്ഥാന് എന്നീ രാജ്യങ്ങളില്നിന്ന് 2014 ഡിസംബര് 31നു മുന്പ് ഇന്ത്യയിലെത്തിയ ഹിന്ദു, സിഖ്, പാഴ്സി, ജൈന, ബുദ്ധ, ക്രൈസ്തവ മതവിഭാഗങ്ങളില്പെട്ടവര്ക്കു പൗരത്വാവകാശം നല്കുന്നതാണ് നിര്ദിഷ്ട നിയമം.
മുൻപ് കുറഞ്ഞതു 11 വര്ഷം രാജ്യത്ത് സ്ഥിരതാമസമായവര്ക്കു മാത്രമാണ് പൗരത്വം നല്കിയിരുന്നത്. എന്നാല് നിലവിലെ ഭേദഗതി പ്രകാരം ഇത് ആറു വര്ഷമായി ചുരുക്കും.
പ്രതികരിക്കാൻ ഇവിടെ എഴുതുക