ഫ്രഞ്ച് കാര് നിര്മാതാക്കളായ ഗ്രൂപ്പ് പിഎസ്എയുടെ കീഴിലുള്ള സിട്രോണിന്റെ ആദ്യ വാഹനം സി5 എയര്ക്രോസ് എസ്യുവി 2020 സെപ്റ്റംബറോടെ ഇന്ത്യന് നിരത്തിലെത്തും. എന്നാല് ആദ്യഘട്ടത്തില് ഇന്ത്യയിലെ പ്രധാനപ്പെട്ട പത്ത് നഗരങ്ങളില് മാത്രമായിരിക്കും ഈ വാഹനം ലഭ്യമാകുകയെന്നാണ് റിപ്പോര്ട്ടുകള്.
കേരളത്തില് കൊച്ചിയുള്പ്പെടെ ഇന്ത്യയിലെ പ്രധാനപ്പെട്ട പത്ത് നഗരങ്ങളിലായിരിക്കും വാഹനം എത്തുക . തമിഴ്നാട്ടിലെ തിരുവെള്ളൂരിലെ പ്ലാന്റിലാണ് സി5 എയര്ക്രോസ് അസംബ്ലിള് ചെയ്യുക.എന്നാല് 1.2 ലിറ്റര് പെട്രോള് എന്ജിനും 2.0 ലിറ്റര് ഡീസല് എന്ജിനിലുമായിരിക്കും വാഹനം എത്തുകയെന്നാണ് റിപ്പോര്ട്ടുകള്.
ലെതര് സീറ്റ്, സ്റ്റിയറിങ് വീല് എന്നിവയും എട്ട് ഇഞ്ച് ഇന്ഫോടെയ്ന്മെന്റ് സിസ്റ്റം, 12 ഇഞ്ച് ഡിജിറ്റര് ഇന്സ്ട്രുമെന്റ് ക്ലസ്റ്റര്, ഓട്ടോമാറ്റിക് എസി എന്നിവയാണ് അകത്തുള്ള ആകര്ഷണം.
വാഹനത്തിന്റെ മറ്റു വിവരങ്ങള് ഒന്നും കമ്പനി പുറത്തുവിട്ടിട്ടില്ല. രണ്ട് തട്ടുകളായുള്ള ഗ്രില്ലില് രണ്ട് നിരകളായി നല്കിയിട്ടുള്ള എല്ഇഡി ഹെഡ്ലൈറ്റ്, ഡിആര്എല്, ഉയര്ന്ന ബോണറ്റ്, ഫ്ലോട്ടിങ് റൂഫ് തുടങ്ങിയവയിലാണ് എക്സ്റ്റീരിയര് ഡിസൈന് ചെയ്തിരിക്കുന്നത്.
ആദ്യത്തെ അഞ്ചു വര്ഷങ്ങളില് ഓരോ വര്ഷവും ഓരോ പുതിയ മോഡല് ഇന്ത്യന് വിപണിയില് അവതരിപ്പിക്കുകയാണ് കമ്പനിയുടെ ലക്ഷ്യം.
പ്രതികരിക്കാൻ ഇവിടെ എഴുതുക