ബംഗളുരു: റിപ്പബ്ലിക് ദിനാഘോഷത്തിന്റെ ഭാഗമായി പൗരത്വ ഭേദഗതി നിയമത്തിനെതിരെ നാടകം അവതരിപ്പിച്ചതിന്റെ പേരില് രാജ്യ ദ്രോഹ കുറ്റം ചുമത്തി അറസ്റ്റ് ചെയ്ത സ്കൂള് പ്രിന്സിപ്പലിനും നാടകം അവതരിപ്പിച്ച വിദ്യാര്ഥിയുടെ മാതാവിനും ജാമ്യം. 14 ദിവസത്തിനുശേഷമാണ് ജാമ്യം ലഭിച്ചത്. പ്രധാനമന്ത്രി നരേന്ദ്ര മോദിക്കെതിരെ പരാമര്ശമുണ്ടെന്നാരോപിച്ചായിരുന്നു അറസ്റ്റ്.
ജനുവരി 21നാണ് വിദ്യാര്ത്ഥികളെ ഉള്പ്പെടുത്തി സ്കൂളില് നാടകം അവതരിപ്പിച്ചത്. നാടകത്തിന്റെ വീഡിയോ സാമൂഹികമാധ്യമങ്ങളില് പ്രചരിച്ചതിനു പിന്നാലെ നിലേഷ് രക്ഷ്യാല് എന്ന വ്യക്തി പൊലീസില് പരാതി നല്കുകയായിരുന്നു. തുടര്ന്നാണ്, പ്രധാനമന്ത്രി നരേന്ദ്രമോദിക്കെതിരെ പരിപാടി അവതരിപ്പിച്ചെന്നാരോപിച്ച് സ്കൂളിലെ പ്രധാനാധ്യാപികയായ ഫരീദ ബിഗത്തെയും ഒരു വിദ്യാര്ത്ഥിയുടെ രക്ഷിതാവായ നസ്ബുന്നീസയെയും അറസ്റ്റ് ചെയ്തത്.
പ്രതികരിക്കാൻ ഇവിടെ എഴുതുക