എറണാകുളം: ഇടവേളയ്ക്കുശേഷം ട്രെയിന് ഗതാഗതം പുനഃസ്ഥാപിക്കുന്പോള് മറ്റു സംസ്ഥാനങ്ങളില് നിന്നെത്തുന്ന യാത്രക്കാര്ക്കായി എറണാകുത്ത് ഒരുക്കുന്നത് ശക്തമായ നിരീക്ഷണ സംവിധാനം. മന്ത്രി വി. എസ് സുനില്കുമാറിന്റെ അധ്യക്ഷതയില് ചേര്ന്ന കോവിഡ് അവലോകന യോഗത്തിലാണ് റെയില്വേ സ്റ്റേഷനില് നിരീക്ഷണം കര്ശനമാക്കാന് തീരുമാനിച്ചത്.
ഡല്ഹിയില്നിന്നു മേയ് 13-ന് പുറപ്പെടുന്ന ട്രെയിന് കോഴിക്കോട്, എറണാകുളം ജംഗ്ഷന്, തിരുവനന്തപുരം എന്നീ സ്ഥലങ്ങളിലാണ് നിര്ത്തുന്നത്. എറണാകുളത്ത് എത്തുന്ന യാത്രക്കാരെ വീടുകളിലേക്കും സമീപ ജില്ലകളിലേക്കും എത്തിക്കാനായി വാഹനങ്ങളും, ഓരോ യാത്രക്കാരെയും പ്രാഥമിക ലക്ഷണങ്ങള് വിലയിരുത്താനുള്ള സംവിധാനങ്ങളും ക്രമീകരിക്കും. കഐസ്ആര്ടിസി ബസുകളും ടാക്സി സംവിധാനവും അതിനായി ക്രമീകരിക്കും.
മറ്റു സംസ്ഥാനങ്ങളില് നിന്നെത്തിയ ആളുകളെ വീടുകളില് നിരീക്ഷണത്തില് കഴിയാനായി നിര്ദേശം നല്കി. നിലവില് നിരീക്ഷണ കേന്ദ്രങ്ങളില് ഉള്ള ആളുകളെ വീടുകളിലേക്ക് അയയ്ക്കും. സ്വകാര്യ വാഹനങ്ങളിലോ ടാക്സികളിലോ വീടുകളിലേക്കു മടങ്ങാം. വിദേശത്തു നിന്നെത്തിയ ആളുകള്ക്ക് മാനസിക പിരിമുറുക്കം കുറയ്ക്കാനായി കൗണ്സിലിംഗ് നടത്തും.
നിലവില് എറണാകുളം ജില്ലയില് 26 നിരീക്ഷണ കേന്ദ്രങ്ങളിലായി 3600 പേരെ താമസിപ്പിക്കാനുള്ള സൗകര്യമാണുള്ളത്. വീടുകളില് നിരീക്ഷണത്തില് കഴിയുന്ന ആളുകള്ക്ക് ആവശ്യ വസ്തുക്കളും ഭക്ഷണവും എത്തിച്ചു നല്കണമെന്ന് മന്ത്രി നിര്ദേശം നല്കി. വാര്ഡ് തല ജാഗ്രത സമിതിയുടെ നേതൃത്വത്തിലായിരിക്കും ഇക്കാര്യങ്ങള് നടപ്പാക്കുന്നത്.
പ്രതികരിക്കാൻ ഇവിടെ എഴുതുക