തെലങ്കാന: തെലങ്കാനയില് ഒന്പത് തൊഴിലാളികളെ കിണറ്റില് മരിച്ച നിലയില് കണ്ടെത്തിയ സംഭവം കൊലപാതകമെന്ന് പൊലീസ്. ശീതളപാനീയത്തില് വിഷം കലര്ത്തി കൊന്ന് കിണറ്റില് തള്ളിയതാണെന്ന് പൊലീസ് കണ്ടെത്തി. കൊലപാതകം ആസൂത്രണം ചെയ്ത ബിഹാര് സ്വദേശി സഞ്ജയ് കുമാറിനെ അറസ്റ്റ് ചെയ്തു.
തെലങ്കാനയിലെ വാറങ്കലിലെ ചണച്ചാക്ക് നിര്മ്മാണ കമ്ബനിയിലെ തെഴിലാളിയായ മുഹമ്മദ് മക്ദ്സൂദ് അലാം അദ്ദേഹത്തിന്റെ ഭാര്യ നിഷ, മക്കള്, മറ്റൊരു തൊഴിലാളിയായ ശ്രീറാം ഇയാളുടെ ഭാര്യ മക്കള് എന്നിവരടക്കം ഒമ്ബത് പേരെയാണ് മരിച്ച നിലയില് കണ്ടെത്തിയത്. ഇവര് പശ്ചിമ ബംഗാള് സ്വദേശികളാണ്. ലോക് ഡൗണിനെത്തുടര്ന്ന് കഴിഞ്ഞ രണ്ട് മാസമായി ഇവര്ക്ക് തൊഴിലുണ്ടായിരുന്നില്ല. ഇതെത്തുടര്ന്നുണ്ടായ സാമ്ബത്തിക പ്രതിസന്ധി കാരണമാണ് കുടുംബം ആത്മഹത്യ ചെയ്തതെന്നായിരുന്നു പൊലീസിന്റെ പ്രാഥമിക നിഗമനം.ബിഹാര് സ്വദേശികളായ സഞ്ജയ് കുമാറും മോഹനും ചേര്ന്നാണ് കൊലപാതകം ആസൂത്രണം ചെയ്ത് നടപ്പാക്കിയതെന്ന് പൊലീസ് പറയുന്നു. സഞ്ജയ് കുമാറിന് മക്സൂദിന്റെ മകളുമായി ബന്ധമുണ്ടായിരുന്നുവെന്നും ഇത് തകര്ന്നതിലുള്ള വൈരാഗ്യമാണ് കൊലപാതകത്തിലേക്ക് നയിച്ചതെന്നുമാണ് പൊലീസ് ഭാഷ്യം. ഫൊറന്സിക് റിപ്പോര്ട്ട് കൂടി വരാന് കാത്തിരിക്കുകയാണ് പൊലീസ്.
പ്രതികരിക്കാൻ ഇവിടെ എഴുതുക