തുടര്ച്ചയായ 14 – മത്തെ ദിവസവും രാജ്യത്ത് ഇന്ധനവിലയിൽ വർധനവ്. ഒരു ലിറ്റർ പെട്രോളിന് 56 പൈസയും ഒരു ലിറ്റർ ഡീസലിന് 58 പൈസയും ആണ് വര്ധിപ്പിച്ചത്. 14 ദിവസം കൊണ്ട് ഡീസലിന് 7 രൂപ 86 പൈസയും പെട്രോളിന് 7 രൂപ 65 പൈസയുമാണ് കൂടിയത്. ഡൈനാമിക് ഫ്യുവല് പ്രൈസിങ് രീതിയില് ദിവസവും പെട്രോളിനും ഡീസലിനും വില വർധിപ്പിക്കുകയാണ്. രാജ്യാന്തര വിപണിയിൽ ക്രൂഡ് ഓയില് വില വര്ധിച്ചെന്ന കാരണം ചൂണ്ടിക്കാട്ടിയാണ് ഈ മാസം ഏഴ് മുതല് വിലകൂട്ടിത്തുടങ്ങിയത്.
ജൂൺ 6ന് അന്താരാഷ്ട്ര വിപണിയിൽ എണ്ണവില വീപ്പയ്ക്ക് 42 ഡോളറായിരുന്നെങ്കിൽ ജൂൺ 12ന് 38 ഡോളറായി കുറഞ്ഞു. എന്നിട്ടും പെട്രോൾ, ഡീസൽ വിലയില് കുറവുണ്ടായില്ല. മെയ് മാസത്തിൽ എണ്ണ വില ഇരുപതിലേക്ക് കൂപ്പുകുത്തിയപ്പോഴും രാജ്യത്ത് പെട്രോൾ ഡീസൽ വിലയിൽ കുറവുണ്ടായില്ല. കോവിഡ് കാരണം സാമ്പത്തികനഷ്ടം നേരിടുന്ന ജനങ്ങള്ക്ക് നേരെയുള്ള വലിയ ഇരുട്ടടിയാണ് പെട്രോള് ഡീസല് വില വര്ധനവ്.
പ്രതികരിക്കാൻ ഇവിടെ എഴുതുക