കോട്ടയം: നയതന്ത്ര ബാഗ് ഉപയോഗിച്ചുള്ള സ്വർണ്ണക്കടത്തില് മുഖ്യമന്ത്രിയെ വിമര്ശിക്കാതെ ജോസ് കെ മാണി. ആരെങ്കിലും കുറ്റക്കാരാണെന്ന് ഇപ്പോള് പറയാനാവില്ല, കുറ്റക്കാരെ സംരക്ഷിക്കാനാകില്ലെന്ന് മുഖ്യമന്ത്രി പറഞ്ഞിട്ടുണ്ടെന്നും ജോസ് കെ മാണി പറഞ്ഞു.
സ്വർണ്ണക്കടത്ത് ഗൗരവമേറയ കേസെന്നും വലിയ മാഫിയ സംഘം പിറകിലുണ്ടെന്നും ജോസ് കെ മാണി പറഞ്ഞു. മുൻപും ഇതുപോലെ കേസുണ്ടായോയെന്ന് അന്വേഷിക്കണം. അടിവേര് മുറിക്കുന്ന അന്വേഷം വേണമെന്നും ജോസ് കെ മാണി ആവശ്യപ്പെട്ടു.
സ്വര്ണ്ണക്കടത്ത് വിവാദത്തില് സര്ക്കാരിനെതിരെ ആരോപണം ഉയരുന്ന പശ്ചാത്തലത്തില് ഇടതുമുന്നണി സഹകരണത്തിനുള്ള ചര്ച്ചകള് കേരളാ കോണ്ഗ്രസ് ജോസ് പക്ഷം താല്ക്കാലികമായി നിര്ത്തിയിരുന്നു. ഇടതുമുന്നണി പ്രവേശനം സംബന്ധിച്ച് താഴെത്തട്ടില് അനൗദ്യോഗികമായ ചര്ച്ചകള് കഴിഞ്ഞ ദിവസങ്ങളില് നടന്നിരുന്നു.
എന്നാല് സ്വര്ണ്ണക്കടത്ത് വിവാദം സര്ക്കാരിനെയും സിപിഎമ്മിനെയും പ്രതികൂലമായി ബാധിക്കുന്ന സാഹചര്യത്തില് എല്ലാ ചര്ച്ചകളും നിര്ത്തിവെക്കാനാണ് ജോസ് പക്ഷത്തിന്റെ തീരുമാനം. ഇപ്പോഴത്തെ ഇടത് സഹകരണം പ്രതികൂലമാകുമെന്നാണ് ജോസ് പക്ഷത്തിന്റെ വിലയിരുത്തല്.
പ്രതികരിക്കാൻ ഇവിടെ എഴുതുക