ചെക്ക് റിപ്പബ്ളിക്കന് വാഹന നിര്മ്മാതാക്കളായ സ്കോഡ, തങ്ങളുടെ ഇലക്ട്രിക് വാഹനത്തിന്റെ അരങ്ങേറ്റത്തിന് ഒരുങ്ങുകയാണ്. എന്യാക് എന്ന് പേരിട്ടിരിക്കുന്ന ഇലക്ട്രിക്ക് വാഹനത്തിന്റെ ടീസര് ചിത്രങ്ങള് അടുത്തിടെ വെളിപ്പെടുത്തിയിരുന്നു.
ഇതിന് പിന്നാലെയാണ് ഇപ്പോള് അവതരണത്തിനുള്ള തീയതിയും വെളിപ്പെടുത്തിയിരിക്കുന്നത്. റിപ്പോര്ട്ട് അനുസരിച്ച് 2020 സെപ്തംബര് 1-ന് വാഹനത്തെ വിപണിയില് അവതരിപ്പിക്കും.
ഇലക്ട്രിക്ക് വാഹനങ്ങള്ക്കായി വികസിപ്പിച്ച അയോണ് മൊഡുലാര് ഇലക്ട്രിഫിക്കേഷന് ടൂള്കിറ്റ് (MEB) പ്ലാറ്റ്ഫോമില് നിര്മ്മിക്കുന്ന സ്കോഡയുടെ ആദ്യത്തെ ഇലക്ട്രിക്ക് കാറാണിത്.
സ്കോഡയുടെ 125 വര്ഷത്തെ ചരിത്രത്തില് പുതിയൊരു അധ്യായത്തിനാണ് എന്യാക് തുടക്കം കുറിക്കുന്നത്.സിറ്റിഗോ iV എന്നൊരു ഇലക്ട്രിക്ക് കാറിനെ ഇതിനോടകം തന്നെ സ്കോഡ വിപണിയില് എത്തിച്ചിട്ടുണ്ട്.
ഇലക്ട്രിക്ക് വാഹനങ്ങള്ക്കായുള്ള iV ഉപ ബ്രാന്ഡിലാവും എന്യാക് വിപണിയില് വില്പ്പനയ്ക്ക് എത്തുക. ഈ ഇലക്ട്രിക്ക് വാഹനത്തിന് 4,648 mm നീളവും 1,877 വീതിയും 1,618 mm ഉയരവുമുണ്ട്.
പ്രതികരിക്കാൻ ഇവിടെ എഴുതുക