തിരുവനന്തപുരത്ത് സെക്രട്ടേറിയറ്റിലെ പ്രോട്ടോകോള് വിഭാഗത്തിലുണ്ടായ തീപിടുത്തത്തെതുടര്ന്ന് പ്രതിഷേധവുമായി രംഗത്തെത്തിയവര് മാധ്യമങ്ങളോട് സംസാരിക്കുന്നത് വിലക്കി ചീഫ് സെക്രട്ടറി വിശ്വാസ് മേത്ത. ചീഫ് സെക്രട്ടറി നേരിട്ടെത്തിയാണ് സമരക്കാര് മാധ്യമങ്ങളോട് സംസാരിക്കുന്നത് വിലക്കിയത്.
മാധ്യമങ്ങളെ സംഭവസ്ഥലത്ത് നിന്ന് പുറത്താക്കുകയും ചെയ്തു. അതേസമയം സെക്രട്ടറിയേറ്റിനുമുന്നിലെ പ്രതിഷേധം പൊലീസുമായി സംഘര്ഷത്തില് കലാശിച്ചു.
തീപ്പിടുത്തം അട്ടിമറി ? ആരോപണം ഉന്നയിച്ച് കോൺഗ്രസ്സും ബിജെപിയും
ബി.ജെ.പി സംസ്ഥാന സെക്രട്ടറി കെ സുരേന്ദ്രന് മാധ്യമങ്ങളോട് സംസാരിക്കുന്നതിനിടയിലാണ് ചീഫ് സെക്രട്ടറി നേരിട്ടെത്തി സമരക്കാരെ വിലക്കിയത്.
സെക്രട്ടറിയേറ്റിനുള്ളില് രാഷ്ട്രീയ പ്രസംഗവും സമരവും അനുവദിക്കില്ലെന്ന് ചീഫ് സെക്രട്ടറി മാധ്യമങ്ങളോട് പറഞ്ഞു. തീപിടിത്തം നിഷ്പക്ഷമായി അന്വേഷിക്കുമെന്നും ഒന്നും മറച്ചു വെക്കാനില്ലെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക