അഞ്ചാം തലമുറ സിറ്റി വിപണിയില് എത്തിയതോടെ പഴയ തലമുറ സിറ്റിയുടെ വകഭേദങ്ങളുടെ എണ്ണം വെട്ടിക്കുറയ്ക്കാനൊരുങ്ങുകയാണ് ഹോണ്ട. ഇത് സംബന്ധിച്ച് നേരത്തെ തന്നെ ജാപ്പനീസ് ബ്രാന്ഡ് സൂചന നല്കിയിരുന്നു.
എന്നാല് പുതിയ റിപ്പോര്ട്ട് അനുസരിച്ച് പുതുതലമുറ സിറ്റി ഷോറൂമുകളിലെത്തിയ പശ്ചാത്തലത്തില് പഴയ സിറ്റിയുടെ തെരഞ്ഞെടുത്ത മോഡലുകള്ക്ക് വമ്പിച്ച വില ഇളവുകള് പ്രഖ്യാപിച്ചിരിക്കുകയാണ് നിര്മ്മാതാക്കള്.
ഇതിന്റെ ഭാഗമായി 1.6 ലക്ഷം രൂപ വരെ ആനുകൂല്യങ്ങള് ഉപഭോക്താക്കള്ക്ക് ലഭിക്കും. നിലവില് നാല് വകഭേദങ്ങളില് പഴയ പതിപ്പ് ലഭ്യമാണ്. ഇതില് ഉയര്ന്ന രണ്ട് വകഭേദങ്ങള്ക്കാണ് കൂടുതല് ഇളവ് നല്കിയിരിക്കുന്നത്.
1.30 മുതല് 1.60 ലക്ഷം വരെ ആനുകൂല്യങ്ങളാണ് സിറ്റി ZX -ന് വാഗ്ദാനം ചെയ്യുന്നത്. 1.10 ലക്ഷം രൂപ വരെ കിഴിവോടെ ZX സിവിടി മോഡലുകള് ലഭ്യമാണ്. മാനുവല് പതിപ്പില് 80,000 രൂപ വരെ കിഴിവും ലഭ്യമാകും.
പ്രതികരിക്കാൻ ഇവിടെ എഴുതുക