തിരുവനന്തപുരം: വെഞ്ഞാറമൂട്ടില് രണ്ട് ഡിവൈഎഫ്ഐ പ്രവര്ത്തകരെ വെട്ടിക്കൊലപ്പെടുത്തിയ സംഭവത്തില് ഞെട്ടി തിരുവോണ നാൾ. സിപിഎം പ്രവർത്തകൻ സിയാദിനെ കുത്തിക്കൊലപ്പെടുത്തി ദിവസങ്ങൾ മാത്രം പിന്നിടുമ്പോഴാണ് വീണ്ടും കോൺഗ്രസിന്റെ ചോരക്കളി.
പ്രതിഷേധങ്ങളും തിരിച്ചടികളും ഉണ്ടാകില്ല എന്നുറപ്പുള്ള സമയം നോക്കി പരമാവധി പേരെ കൊന്നുതള്ളാനുള്ള രാഷ്ട്രീയ നീക്കമാണോ എന്ന് തോന്നിക്കുന്ന വിധത്തിലാണ് തുടർച്ചയായ കുരുതികൾ അരങ്ങേറുന്നത്.
ഡിവൈഎഫ്ഐ പ്രവര്ത്തകരെ വെട്ടിക്കൊലപ്പെടുത്തിയ സംഭവത്തില് കോണ്ഗ്രസിനെ വിമര്ശിച്ച് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. തിരുവോണ നാളില് കോണ്ഗ്രസ് ഇട്ട ചോരപൂക്കളം കണ്ട് പ്രബുദ്ധ കേരളം തല കുനിക്കുകയാണെന്ന് അദ്ദേഹം ഫേസ്ബുക്കില് കുറിച്ചു.
ഡിവൈഎഫ്ഐ പ്രവര്ത്തകരായ മിഥിലാജിനെയും ഹഖ് മുഹമ്മദിനെയും വടിവാള് കൊണ്ട് വെട്ടിയരിഞ്ഞ് കൊന്നുതള്ളിയ കോണ്ഗ്രസ്, തിരുവോണ പൂക്കളത്തിന് പകരം ചോരപ്പൂക്കളമൊരുക്കിയാണ് ലോകമെങ്ങുമുള്ള മലയാളികള്ക്ക് ആശംസ നേരുന്നതെന്ന് കോടിയേരി പറഞ്ഞു.
പ്രതികരിക്കാൻ ഇവിടെ എഴുതുക