സാംസങ് പുതിയ സ്മാർട് ഫോൺ ഗാലക്സി എം51 ഇന്ത്യയിൽ പുറത്തിറക്കി. 7000 എംഎഎച്ച് ബാറ്ററിയാണ് ഫോണിന്റെ പ്രധാന പ്രത്യേകത. 7000 എംഎഎച്ച് ബാറ്ററി അവതരിപ്പിക്കുന്ന ഇന്ത്യയിലെ ആദ്യത്തെ സ്മാർട് ഫോണാണ് ഗാലക്സി എം 51 എന്നാണ് കമ്പനിയുടെ അവകാശവാദം.പോക്കോ എക്സ് 2, വൺപ്ലസ് നോർഡ്, റിയൽമി 7 പ്രോ എന്നിവയ്ക്ക് വിലയിൽ എതിരാളിയാകുന്ന ഒന്നാണ് പുതിയ ഫോൺ.
പുതിയ സാംസങ് ഗാലക്സി എം 51 രണ്ട് വേരിയന്റുകളിൽ ലഭ്യമാണ്. 6 ജിബി റാമും 128 ജിബി ഇന്റേണൽ സ്റ്റോറേജുമുള്ള വേരിയന്റിന് 24,999 രൂപയാണ് വില. രണ്ടാമത്തെ വേരിയന്റിന് 26,999 രൂപ വിലയുണ്ട് ( 8 ജിബി റാം, 128 ജിബി സ്റ്റോറേജ്). സെപ്റ്റംബർ 18 ന് ഉച്ചയ്ക്ക് 12ന് ആമസോൺ.ഇൻ, സാംസങ്.കോം, തിരഞ്ഞെടുത്ത റീട്ടെയിൽ സ്റ്റോറുകൾ എന്നിവ വഴി ഹാൻഡ്സെറ്റ് ലഭ്യമാക്കും.
amazon.inൽ കമ്പനി ഒരു ആമുഖ ലോഞ്ച് ഓഫർ നൽകുന്നുണ്ട്. ആമസോൺ.ഇനിൽ സെപ്റ്റംബർ 18 മുതൽ 20 വരെ പരിമിതമായ കാലയളവിൽ ലോഞ്ച് ഓഫർ ഉണ്ടായിരിക്കുമെന്ന് കമ്പനി അറിയിച്ചു. എച്ച്ഡിഎഫ്സി ക്രെഡിറ്റ്, ഡെബിറ്റ് കാർഡുകൾ ഉപയോഗിക്കുന്ന ഉപയോക്താക്കൾക്ക് ഗാലക്സി എം 51 വാങ്ങുമ്പോൾ ഇഎംഐ, ഇഎംഐ ഇതര ഇടപാടുകളിൽ 2000 രൂപ വരെ ഇൻസ്റ്റന്റ് ക്യാഷ്ബാക്ക് ലഭിക്കും.
പ്രതികരിക്കാൻ ഇവിടെ എഴുതുക