സംസ്ഥാനത്ത് മൂന്ന് ജില്ലകളില് കൂടി ഓറഞ്ച് അലേർട്ട് പ്രഖ്യാപിച്ചു. കനത്ത മഴയാണ് സംസ്ഥാനത്തെ പല ജില്ലകളിലും റിപ്പോർട്ട് ചെയ്തിരിക്കുന്നത്. ബംഗാള് ഉള്ക്കടലില് നാളെ പുതിയ ന്യൂനമര്ദ്ദം രൂപപ്പെടുന്ന സാഹചര്യത്തിലാണ് സംസ്ഥാനത്ത് മഴ ശക്തമാകാൻ കാരണമായതെന്ന് കാലാവസ്ഥാ വകുപ്പ് അറിയിച്ചു. ഇടുക്കി, കണ്ണൂര്, കാസർഗോഡ് എന്നീ മൂന്നു ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചിട്ടുള്ളത്.
50 കിലോമീറ്റര് വേഗത്തില് കാറ്റുവീശാൻ സാധ്യതയുണ്ട്. അതിനാൽ തന്നെ മത്സ്യത്തൊഴിലാളികള് കടലില് പോകരുതെന്നും മുന്നറിയിപ്പ് നൽകിയിട്ടുണ്ട്. അതേസമയം, പത്തനംതിട്ട, ആലപ്പുഴ, കോട്ടയം, എറണാകുളം, തൃശൂര്, പാലക്കാട്, മലപ്പുറം, കോഴിക്കോട് എന്നീ ജില്ലകളിൽ യെല്ലോ അലര്ട്ട് പ്രഖ്യാപിച്ചു.
പ്രതികരിക്കാൻ ഇവിടെ എഴുതുക