ഹാത്രാസില് 19കാരിയായ ദളിത് പെണ്കുട്ടിയെ ലൈംഗികമായി പീഡിപ്പിച്ച് കൊലപ്പെടുത്തിയ സംഭവത്തില് ജനരോഷമുയരവെ ഹാത്രാസ് എസ്.പിയേയും ഡി.എസ്.പിയേയും സസ്പെന്ഡ് ചെയ്ത് യു.പി സര്ക്കാര്.
ഹാത്രാസ് സംഭവത്തില് രാജ്യമെമ്പാടും ശക്തമായ പ്രതിഷേധങ്ങള് ഉയര്ന്ന പശ്ചാത്തലത്തില് ഏറെ വൈകി കുറ്റക്കാര്ക്കെതിരെ നടപടിയെടുക്കുമെന്ന് മുഖ്യമന്ത്രി യോഗി ആദിത്യനാഥ് പറഞ്ഞിരുന്നു. ഇതിന് പിന്നാലെയാണ് ഹാത്രാസ് എസ്.പിയേയും ഡി.എസ്.പിയേയും സസ്പെന്ഡ് ചെയ്തത്.
മരിച്ച പെണ്കുട്ടിയുടെ മൃതദേഹം അര്ധരാത്രി പൊലീസ് സംസ്കരിക്കുകയായിരുന്നു. കുടുംബാംഗങ്ങള്ക്ക് അന്ത്യകര്മ്മത്തിനുള്ള അവസരം പോലും നല്കാതെ മൃതദേഹം സംസ്കരിച്ച പൊലീസിന്റെ നടപടി വലിയ വിമര്ശനത്തിന് ഇടയാക്കിയിരുന്നു.
ഇതിന് പിന്നാലെ പെണ്കുട്ടിയുടെ മൃതദേഹം നിര്ബന്ധിച്ച് സംസ്കരിക്കുകയായിരുന്നുവെന്ന ആരോപണങ്ങള് നിഷേധിച്ച് യു.പി പൊലീസ് ഡി.ജി.പി പ്രശാന്ത് കുമാര് രംഗത്തെത്തിയിരുന്നു. എന്നാല് മരണത്തിലും ഹാത്രാസ് പെണ്കുട്ടിയ്ക്ക് നീതി നിഷേധിക്കുകയാണെന്ന് കോണ്ഗ്രസ് നേതാവ് പ്രിയങ്ക ഗാന്ധി പറഞ്ഞിരുന്നു.
ഹാത്രാസ് പെണ്കുട്ടിയ്ക്ക് നീതി ആവശ്യപ്പെട്ട് രാജ്യതലസ്ഥാനത്തുള്പ്പെടെ പ്രതിഷേധം ആളിക്കത്തുന്നതിനിടയിലാണ് യു.പി സര്ക്കാര് പൊലീസ് ഉദ്യോഗസ്ഥര്ക്കെതിരെ നടപടി സ്വീകരിച്ചത്.
പ്രതികരിക്കാൻ ഇവിടെ എഴുതുക