ലൈഫ് മിഷന് കേസുമായി ബന്ധപ്പെട്ട വാദം ഹൈക്കോടതിയിൽ പുരോഗമിക്കുന്നു. സര്ക്കാരിന്റേതാണ് ആദ്യ വാദം . അഴിമതി നിരോധന നിയമ പ്രകാരമാണ് കേസ് അന്വേഷിക്കേണ്ടതെന്ന് സര്ക്കാര് കോടതിയിൽ പറഞ്ഞു. ലൈഫ് മിഷന് ഇടപാടില് ബന്ധമില്ലെന്നും ഭൂമി നല്കുക മാത്രമാണ് ചെയ്തതെന്നും യുണീടാകിന് റെഡ്ക്രസന്റ് നേരിട്ടാണ് പണം നല്കിയതെന്നും സർക്കാരിന് പങ്കുണ്ടെന്നത് രാഷ്ട്രീയ ആരോപണങ്ങൾ മാത്രമാണെന്നും പ്രളയ ബാധിതർക്കുള്ള ഭവന പദ്ധതിക്ക് സാമ്പത്തിക സഹായമെന്ന നിലയിലാണ് റെഡ്ക്രസന്റുമായി ധാരണയുണ്ടാക്കിയതെന്നും സർക്കാർ പറഞ്ഞു. ബാങ്ക് സ്റ്റേറ്റ്മെന്റിൽ ഇക്കാര്യം വ്യക്തമാണ്.
സിബിഐ തയ്യാറാക്കിയ എഫ്ഐആറിൽ വൈരുദ്ധ്യങ്ങളുണ്ടെന്നും സര്ക്കാര് നേരിട്ട് വിദേശഫണ്ട് കൈപ്പറ്റിയിട്ടില്ലെന്നും എഫ്സിആർഎ ചട്ടത്തിന്റെ പരിധിയിൽ ഈ ഇടപാട് വരുന്നില്ലെന്നും ഈ ചട്ടത്തിന്റെ ഉദ്ദേശം തന്നെ മറ്റൊന്നാണെന്നും സർക്കാർ പറഞ്ഞു.
പ്രതികരിക്കാൻ ഇവിടെ എഴുതുക