പെരിയ ഇരട്ടക്കൊലകേസ് ഇന്ന് സുപ്രിംകോടതിയില്. യൂത്ത് കോണ്ഗ്രസ് പ്രവര്ത്തകരായ ശരത് ലാലും കൃപേഷും കൊല്ലപ്പെട്ട കേസുമായി ബന്ധപ്പെട്ട് സിബിഐ അന്വേഷണം റദ്ദാക്കണമെന്നാവശ്യപ്പെട്ട് കൊണ്ടുള്ള സംസ്ഥാന സര്ക്കാരിന്റെ ഹര്ജി സുപ്രിംകോടതി ഇന്ന് വീണ്ടും പരിഗണിക്കും. സുപ്രിംകോടതി, അന്വേഷണം സംബന്ധിച്ച് സിബിഐ യുടെ നിലപാട് തേടിയിരുന്നു. എന്നാല് ഇതുവരെയും സിബിഐ സത്യവാങ്മൂലം സമര്പ്പിച്ചിട്ടില്ല. നേരത്തെ കേസ് പരിഗണിച്ചപ്പോള് സുപ്രിംകോടതി, അന്വേഷണം സിബിഐയ്ക്ക് കൈമാറിയ ഹൈക്കോടതി ഉത്തരവ് സ്റ്റേ ചെയ്യാന് വിസമ്മതിച്ചിരുന്നു.
പ്രതികരിക്കാൻ ഇവിടെ എഴുതുക