ഇടുക്കി: വാഗമണില് നിശാപാര്ട്ടി നടക്കുന്നിടത്ത് നിന്നും മയക്കുമരുന്ന് ശേഖരം പിടികൂടിയ സംഭവത്തില് നാലുപേര് അറസ്റ്റില്. നിശാ പാര്ട്ടി സംഘടിപ്പിച്ച നാലുപേരാണ് അറസ്റ്റിലായത്. കേസില് റിസോര്ട്ട് ഉടമയെ പൊലീസ് ചോദ്യം ചെയ്തു.
സിപിഐ പ്രാദേശിക നേതാവും ഏലപ്പാറ മുന് പഞ്ചായത്ത് പ്രസിഡന്റുമായ ഷാജി കുറ്റിക്കാടനെയാണ് ചോദ്യം ചെയുന്നത്. ജന്മദിന ആഘോഷങ്ങള്ക്കെന്ന പേരിലാണ് റിസോര്ട്ട് എടുത്തതെന്നും മൂന്ന് റൂം മാത്രമാണ് എടുത്തതെന്നും ഷാജി പറഞ്ഞു. റിസോര്ട്ട് ബുക്ക് ചെയ്തത് കൊച്ചി സ്വദേശി ഏണസ്റ്റ് എന്നയാളാണെന്നും ഷാജി വെളിപ്പെടുത്തി.
എണ്ണത്തില് കൂടുതല് ആളുകള് വന്നപ്പോള് താന് ചോദ്യം ചെയ്തിരുന്നുവെന്നുവെന്നും എട്ടുമണിക്ക് മുന്പ് റിസോര്ട്ട് വിടണമെന്ന് പറഞ്ഞിരുന്നെന്നും ഇയാള് പറഞ്ഞു.
പാര്ട്ടി നടത്തിയത് സ്വകാര്യ വ്യക്തികളാണെന്ന് പൊലീസ് വ്യക്തമാക്കി. അന്വേഷണ ഉദ്യോഗസ്ഥന് എഎസ്പി സുരേഷ് കുമാറിന്റെ നേതൃത്വത്തില് റിസോര്ട്ടില് വീണ്ടും പരിശോധന നടത്തുന്നുണ്ട്.
പ്രതികരിക്കാൻ ഇവിടെ എഴുതുക