ഏറ്റുമാനൂര്: ലതിക സുഭാഷ് ഏറ്റുമാനൂര് നിയോജക മണ്ഡലത്തില് സ്വതന്ത്ര സ്ഥാനാര്ഥിയായി മത്സരിക്കും. ഏറ്റുമാനൂരില് നടന്ന കണ്വെന്ഷനിലാണ് ഇക്കാര്യം അവർ പ്രഖ്യാപിച്ചത്. താന് ഇപ്പോഴും കോണ്ഗ്രസുകാരിയാണെന്നും മറ്റു പാർട്ടികളിലേയ്ക്ക് പോകില്ലെന്നും അവർ പറഞ്ഞു.
പാര്ട്ടി ഏറ്റുമാനൂരില് തനിക്ക് സീറ്റ് നല്കും എന്ന് വിശ്വസിച്ച വിഡ്ഢിയാണ് താനെന്ന് കണ്വെനഷില് ലതിക സുഭാഷ് പറഞ്ഞു. മൂന്നുപതിറ്റാണ്ടിലേറെയായി ഏറ്റുമാനൂരില് പൊതുപ്രവര്ത്തനം
നടത്തിയ താന് കഴിഞ്ഞ കാലങ്ങളില് നിന്ന് വ്യത്യസ്തമായി സമ്മിശ്ര വികാരങ്ങളോടെയാണ് ഇത്തവണ പ്രവര്ത്തകരെ അഭിസംബോധന ചെയ്യുന്നതെന്ന് പറഞ്ഞുകൊണ്ടാണ് ലതിക പ്രസംഗം ആരംഭിച്ചത്.
ഒരിക്കലുംതിരഞ്ഞെടുപ്പ് കാലത്ത് പാര്ട്ടിയെ വേദനിപ്പിക്കാന് ആഗ്രഹിച്ചിട്ടില്ലെന്നും വലിയ സങ്കടമായിപ്പോയതുകൊണ്ടാണ് തല മുണ്ഡനം ചെയ്ത് പ്രതികരിച്ചതെന്നും അവര് പറഞ്ഞു.
‘എന്റെ പ്രസ്ഥാനത്തോട് ഇഷ്ടമില്ലാത്തതുകൊണ്ടല്ല. ശരീരത്തില് പഴുത്ത വൃണം ഞെക്കിക്കളയുമ്പോള്വേദനയുണ്ടാകും. പക്ഷേ അത് പുറത്തുപോയില്ലെങ്കില് അതീവ ഗുരുതരമായ ഭവിഷ്യത്തുണ്ടാക്കും. ഒരു
സ്ത്രീക്ക് പൊതുരംഗത്ത് പ്രവര്ത്തിക്കാന് പുരുഷനേക്കാള് ബുദ്ധിമുട്ടാണ്’, ലതിക പറഞ്ഞു.
ഏറ്റുമാനൂരില ജനങ്ങള് കൈ അടയാളത്തില് വോട്ട് ചെയ്യാന് വേണ്ടി കൊതിക്കുകയാണെന്ന് പറഞ്ഞലതിക 1987-ല് ജോര്ജ് ജോസഫ് പൊടിപ്പാറ സ്വതന്ത്രനായി മത്സരിച്ച സംഭവവും ഓര്മിപ്പിച്ചു.’ജോര്ജ് ജോസഫ് പൊടിപ്പാറ കൈ അടയാളത്തില് മത്സരിക്കാന് ആഗ്രഹിച്ചിട്ടും സീറ്റ് ലഭിച്ചില്ല.
ഒടുവില് അദ്ദേഹം സ്വതന്ത്രനായി ഉദയസൂര്യന്റെ ചിഹ്നത്തില് മത്സരിച്ചു. യുഡിഎഫിന്റെ ഔദ്യോഗികസ്ഥാനാര്ഥിയെ കെട്ടിവെച്ച കാശുപോലും നഷ്ടപ്പെടുത്തിക്കൊണ്ട് തോല്പിച്ച് അദ്ദേഹം
വിജയശ്രീലാളിതനായി കടന്നുവന്ന ചരിത്രം ഏറ്റുമാനൂര് നിയോജകമണ്ഡലത്തിനുണ്ട്.
കേരള കോണ്ഗ്രസ് വിഭാഗം ഈ സീറ്റ് ആവശ്യപ്പെട്ടുകൊണ്ട് കടുംപിടിത്തത്തിലാണ് എന്നാണ് നേതൃത്വം
പറഞ്ഞത്. എന്നാല് കേരള കോണ്ഗ്രസ് നേതാക്കള് എന്നോട് പറഞ്ഞത് ഞങ്ങള്ക്ക് വലിയനിര്ബന്ധമൊന്നും ഇല്ലായിരുന്നു, നിര്ബന്ധം കോണ്ഗ്രസിനായിരുന്നു എന്നാണ്. സ്ത്രീകളുടെ വിഷമം
മനസ്സിലാക്കാന് കഴിഞ്ഞില്ലെങ്കില് എത്ര വലിയ രാജ്യസേവനം ചെയ്തതുകൊണ്ടും കാര്യമില്ല.
ഏറ്റുമാനൂര് സീറ്റ് ആഗ്രഹിക്കുന്നതായി എ.കെ. ആന്റണി ഉള്പ്പടെയുളളവരെ അറിയിച്ചിരുന്നുവെന്നും
ഇല്ലങ്കില് തല മുണ്ഡനം ചെയ്യുമെന്ന് മാര്ച്ച് എട്ടിനുതന്നെ മുന്നറിയിപ്പ് നല്കിയിരുന്നുവെന്നും ലതിക പറഞ്ഞു.
പ്രതികരിക്കാൻ ഇവിടെ എഴുതുക